2 SAMUEL 3:35 - KITTA' MATANGKASA'

³⁵ Sikabusu'na alloa taua anynyonyoki Daud sollanna angnganre sike'de', mingka assumpai angkana, “Poro Nabuno laloa' Allata'ala punna angnganrea' lalang tenanapa nalabu alloa!”

2 SAMUEL 3:35 ပူးပေါင်းရင်းမြစ်များ

2 SAMUEL 1:12

Angngarru'mi ke'nanga siagang susami. Kammayatompa appuasami ke'nanga sa'genna bangngi lanri Saul siagang Yonatan, siagang lanri ra'ya' Israel, umma'Na Batara, lanri teai sipato' jaina mate lalang anjo pa'bundukanga.

2 SAMUEL 12:17

Nampa battumo sikamma tumalompona balla' kakaraenganga mae ri ia na nanyonyo' sollanna ero' ambangung nai'. Mingka taerokai angnganre siagang ke'nanga.

2 SAMUEL 3:34

“Maka musti matei Abner a'jari tau tolo: tena natassikko' limanna, na bangkenna tena narimpungi? Mate nitoboki ri tau ja'dalaka siagang tau pallaka.” Nampa angngarru' sikontu ra'yaka pila' lompo sa'ranna angkarruki Abner.

2 SAMUEL 3:36

Nalangngere'na anjo kammaya, sannammi pa'mai'na ra'yaka. Memang, apa-apa mamo nagaukang Karaeng Daud, tuli napa'jari sannangi pa'mai'na ra'yaka.

2 SAMUEL 3:9

Bajikangngang Daud kutulung, la'biangampa lanri le'ba'na a'janji Batara mae ri ia laNaalle anne kakaraenganga battu ri Saul siagang jari-jarina, nampa Naangka' Daud a'jari karaeng mae ri sikontu tu Israel siagang tu Yehuda. Dasi-dasi naNabunoa' Allata'ala, punna tena nakugaukangi janjinNa Allata'ala mae ri anjo Daud!”

1 PATTOTTORANG 10:12

a'lampami siapa are tau kaminang barania ri ke'nanga mange angngallei maya'na Saul siagang ana'-ana'na, nampa naerang mange ri Yabesh. Natarawammi ke'nanga anjo mayaka ri tujunna se're poko' kayu lompo. Le'baki anjo appuasami ke'nanga tuju allo sallona.

YEREMIA 16:7

Tena todong tau laero' appare' pammaca-macang untu' ansaleori tau susaya. Tena lamminawang turu' susa ba'lalo manna tau ammoteranga manggena yareka amma'na.

YEHEZKIEL 24:17

Gassingka kalangngerangi anjo karru'nu. Teako a'jappai natena nummake soro'bang, yareka tena nummake pa'lapa' bangkeng, kamma tau kamateanga. Tea tongko bongongi rupannu, siagang teako angnganrei roti nikanrea ri wattu kamateang.”

YEHEZKIEL 24:22

Nampa lanugaukang sangkamma anne kugaukanga kamma-kamma anne. Tena nalanubongongi rupannu yareka tena nulangnganre roti nikanrea ri wattu kamateang.

HAKING-HAKING 20:26

Jari a'lampami pole umma' Israel mange ri Betel nampa angngarru' mae ri Batara. Anjoreng appuasai ke'nanga sa'genna bangngi siagang assarei koro'bang passiamakkang na koro'bang nitunu mae ri Batara.

RUT 1:17

Kemae-kemaeki' mate, anjoreng tomma' ero' mate siagang nitarawang. Poro Nahukkunga' Batara sibatta'-battala'na, punna erokka' assisa'la' siagang ikatte, pantaranganna kamateanga ampasisa'lakki'!”

1 SAMUEL 3:17

Akkuta'nammi Eli angkana, “Apa Napau Batara mae ri kau? Carita ngasemmi mae ri nakke. Punna nia' apa-apa nucokkoi, mattantu Nahukkungko Allata'ala.”