2 SAMUEL 3:34 - KITTA' MATANGKASA'

³⁴ “Maka musti matei Abner a'jari tau tolo: tena natassikko' limanna, na bangkenna tena narimpungi? Mate nitoboki ri tau ja'dalaka siagang tau pallaka.” Nampa angngarru' sikontu ra'yaka pila' lompo sa'ranna angkarruki Abner.

2 SAMUEL 3:34 ပူးပေါင်းရင်းမြစ်များ

2 SAMUEL 1:12

Angngarru'mi ke'nanga siagang susami. Kammayatompa appuasami ke'nanga sa'genna bangngi lanri Saul siagang Yonatan, siagang lanri ra'ya' Israel, umma'Na Batara, lanri teai sipato' jaina mate lalang anjo pa'bundukanga.

2 SAMUEL 3:33

Le'baki anjo angngarru'mi Daud lanri Abner, nakana,

2 SAMUEL 3:35

Sikabusu'na alloa taua anynyonyoki Daud sollanna angnganre sike'de', mingka assumpai angkana, “Poro Nabuno laloa' Allata'ala punna angnganrea' lalang tenanapa nalabu alloa!”

AYUB 24:14

Ambangung subui battu ri tinrona pabuno-bunoa, nampa assulu' ammuno tukamase-mase, siagang ri tenanapa nabari'basa', a'dikki-dikkimi sangkamma palukka'.

YEHEZKIEL 32:16

Anne pappakainga' terasaka la'jari kelong kasusaang. Tubainea battu ri bansa-bansa maraenga lanakelongangi salaku pammatei kasusaang mae ri Mesir siagang sikontu ra'ya'na. INakke, Batara Kaminang Tinggia, anne akkana.”

HOSEA 6:9

Imang-imanga ri anjo kotaya rapangi pa'gompoang paella' eroka angngadangi tau ammaloa. Manna ri oloang mangea ri tampa' matangkasaka ri Sikhem nagaukang tonji ke'nanga pammunoanga! Sikontu anjo kaja'dallanna ke'nanga napakkunjungiangi nagaukang.

HAKING-HAKING 16:21

Battumi tu Filistin anjakkalaki nampa napasulu' lisere' matanna. Nierammi ri ke'nanga mae ri Gaza, na nasikko' siagang rua rante tambaga. Nampa napantama' ri tarungkua. Nisuromi anjoreng anjama anggiling.