2 SAMUEL 3:24 - KITTA' MATANGKASA'

²⁴ Na mangemo Yoab andallekang ri karaenga siagang angkana, “Antekamma anjo apa kigaukanga karaeng? Battui Abner andallekang ri karaengku. Angngapa nakilappassang a'lampa bawang-bawang?

2 SAMUEL 3:24 ပူးပေါင်းရင်းမြစ်များ

PA'JARIANG 12:18

Jari nakio'mi karaenga Abram nampa nakuta'nang angkana, “Apa anne nugaukang mae ri nakke? Angngapa natena nupauanga' angkanaya bainennu anjo?

2 SAMUEL 3:23

Nipauangi Yoab angkanaya le'baki battu Abner andallekang ri Karaeng Daud siagang nilappassammi a'lampa na nitanggongi kasalamakkanna.

2 SAMUEL 3:25

Ma'nassana kiasseng karaeng angkanaya anjo kabattuanna Abner poro ero'naji antipuki' karaeng, siagang lanri ero'naja naasseng kaadaanta kammayatompa sikontu rancanata.”

2 SAMUEL 3:39

Manna inakke anne nipilea' ri Allata'ala a'jari karaeng, mingka kamma-kamma anne tena kusa'ring kagassingangku. Anjo ana'-ana'na Zeruya teai sipato' palla'na. Takukulleai kukoasai ke'nanga. Dasi-dasi nanihukkung ri Karaeng Allata'ala anjo ke'nanga tau ja'dalaka, situru' panggaukanna ke'nanga.”

2 SAMUEL 3:8

Na'jari sanna'mo larrona Abner napakamma, siagang nakanamo, “Apa kikananga' karaeng a'bali' ballang mae ri Saul siagang agang mange ri tu Yehuda? Battu rioloji natena pamminrana nyawaku mae ri Saul manggena karaengku, siagang mae ri bija pammanakanna kammayatompa mae ri agang-aganna ngaseng. Le'ba'mi kutulung karaengku sa'genna takkulleaki' nibeta ri Daud. Mingka manna nakamma kihinaja' lanri passabakkang baineji bawang.

PAMMILANGNGANG 23:11

Nampa nakanamo Balak mae ri Bileam, “Apa kutadeng anne nugaukang mae ri nakke? Kuerangko mae anrinni untu' antunrai musu-musungku. Mingka ikau ba'lalo battu jako untu' ambarakkaki ke'nanga.”

YOHANES 18:35

Appialimi Pilatus nakana, “Bara' nukana tu Yahudia'? BansaNu tonji ampassareangKo mae ri nakke siagang imang-imang kapalaya. Apa kutadeng le'ba' Nugaukang?”