2 SAMUEL 3:16 - KITTA' MATANGKASA'

¹⁶ Mingka tuli amminawanna Paltiel angngarru' ampinawangi Mikhal. Ri wattunna battu ke'nanga mange ri kota Bahurim, nakanamo Abner ri ia, “Sudamo, ammotere' lalo mako.” Jari ammotere'mi Paltiel.

2 SAMUEL 3:16 ပူးပေါင်းရင်းမြစ်များ

2 SAMUEL 16:5

Ri wattunna battu Daud mange ri Bahurim, nia'mo se're tau battu anjoreng ri tampaka, siagang lalang a'reppese'na mange ri rombonganna karaenga, natunrami Daud. Anjo taua niarengi Simei ana'na Gera, battu ri bija pammanakanna Saul.

2 SAMUEL 17:18

Mingka anjo wattua nia' sitau ana'-ana' bura'ne sitabang anciniki ke'nanga, siagang napauangi Absalom. Jari akkaro-karomi ke'nanga a'lampa accokko ri balla'na se'reang pandudu' desana Bahurim. Ri ampi' balla'na nia' bungung siagang antama'mi ke'nanga anjoreng.

2 SAMUEL 19:16

Anjo Simei ana'na Gera, tu Benyamin, angngerangi sisa'bu tau battu ri suku Benyamin siagang akakaro-karomi battu siagang anjo tu Yehuda untu' anruppai karaenga. Kamma tomminjo Ziba atanna kaluargana Saul, siagang sampuloa allima ana'na bura'nea siagang ruampuloa atanna; le'ba'mi a'limbang ke'nanga ri Binanga Yordan ri tenanapa nabattu karaenga.

2 SAMUEL 3:15

Jari nasuromi Isyboset tunisurona angngallei Mikhal battu ri bura'nenna, iamintu Paltiel ana'na Lais.

1 KARAENG-KARAENG 2:8

Ri passala'na Simei ana'na Gera battu ri kota Bahurim ri daera Benyamin, nia' todong pasangku mae ri kau. Lalang a'jappaku mange ri Mahanaim, iaminjo Simei pirangalloang sanna' palla'na ampakkanaia' siagang antunra'. Mingka ri boko, ri wattunna battu anruppaia' ri Binanga Yordan, assumpama' mae ri ia lanri Batara angkanaya tena nalakubunoi.

YEREMIA 41:6

Jari assulu'mi Ismael battu ri Mizpa nampa a'lampa angngagangi ke'nanga sibuntulu'. Angngarru'mi nampa nakana, “Umba ki'lampa anciniki Gedalya.”