2 SAMUEL 3:15 - KITTA' MATANGKASA'

¹⁵ Jari nasuromi Isyboset tunisurona angngallei Mikhal battu ri bura'nenna, iamintu Paltiel ana'na Lais.

2 SAMUEL 3:15 ပူးပေါင်းရင်းမြစ်များ

2 SAMUEL 2:8

Ia panglimana tantarana Saul, iamintu Abner ana'na Ner, larimi siagang Isyboset ana'na Saul, mange ri Mahanaim ri ba'leanna Binanga Yordan.

2 SAMUEL 3:14

Le'baki anjo akkiring tommi Daud tunisuro mange ri Isyboset, angngerang pasang angkana, “Kipoterangi Mikhal, bainengku, mae ri nakke. Kale'ba'mi kuballi sibilangngang bi'bi' ulunna tu Filistin.”

2 SAMUEL 3:16

Mingka tuli amminawanna Paltiel angngarru' ampinawangi Mikhal. Ri wattunna battu ke'nanga mange ri kota Bahurim, nakanamo Abner ri ia, “Sudamo, ammotere' lalo mako.” Jari ammotere'mi Paltiel.

1 SAMUEL 25:44

Lalanna anjo wattua Saul le'ba'mi napa'bunting ana' bainena iamintu Mikhal, iamintu bainenna Daud, siagang bura'ne maraeng niarenga Palti ana'na Lais battu ri kota Galim.