2 SAMUEL 3:13 - KITTA' MATANGKASA'

¹³ Appialimi Daud angkana, “Baji'mi. Pabattui anne pasangku mae ri Abner angkanaya: Erokka' appare' parjanjiang siagang ikau, mingka nia' se're sara': Mikhal, ana' bainena Saul, musti nuerangi mae ri nakke punna battuko andallekang mae ri nakke.”

2 SAMUEL 3:13 ပူးပေါင်းရင်းမြစ်များ

PA'JARIANG 43:3

Nakanamo Yehuda ri ia, “Le'ba' maki' napakainga' guburnurka ri Mesir angkanaya tena sikali nikkulle mange andallekang punna tena naerangi andi'na ikambe.

PA'JARIANG 44:23

Nampa kikana, ‘Takkullea ngasengko andallekang punna tena nuerangi anjo andi'nu.’

PA'JARIANG 44:26

Appialimi ikambe angkana, ‘Takkulleai ikambe a'lampa mange anjoreng, nasaba' takkulleai ikambe andallekang ri guburnurka punna tena namminawang todong andi'na ikambe bungkoa. Iapa nakkulle ikambe mange anjoreng punna a'lampa todong.’

2 SAMUEL 3:12

Nampa akkirimmi Abner tunisuro mange ri Daud niaka ri Hebron anjo wattua. Angngerangi pasang angkana, “Inai langkoasai anne buttaya? Appare'mako parjanjiang siagang inakke nampa lakubantu karaengku sollanna sikontu bansa Israel asse're kabusu' mae ri karaengku!”

1 PATTOTTORANG 15:29

Ri wattunna nierang anjo Pattia antama' ri kotaya, attoaki Mikhal ana' tulolonna Saul battu ri jandelaya, na nacini' Karaeng Daud a'joge'-joge' siagang a'rannu-rannu. Na sanna'mo ballisi'na Mikhal anciniki Daud.