2 SAMUEL 3:12 - KITTA' MATANGKASA'

¹² Nampa akkirimmi Abner tunisuro mange ri Daud niaka ri Hebron anjo wattua. Angngerangi pasang angkana, “Inai langkoasai anne buttaya? Appare'mako parjanjiang siagang inakke nampa lakubantu karaengku sollanna sikontu bansa Israel asse're kabusu' mae ri karaengku!”

2 SAMUEL 3:12 ပူးပေါင်းရင်းမြစ်များ

2 SAMUEL 19:14

Kammaminjo nakkullemo Daud angngallei pa'mai'na sikontu tu Yehuda sa'genna akkirimmo ke'nanga pasang mae ri karaenga sollanna ammotere' mange ri balla' kakaraenganga siagang ngaseng sikontu pagawena.

2 SAMUEL 19:41

Nampa battumo sikontu tu Israelka andallekang ri karaenga angkana, “O, karaeng, angngapai naanjo sari'battanna ikambe tu Yehudaya nanakana kalenna la'bi lompoangngang ha'na untu' anruppaiki' siagang anrurungangki' siagang sikontu kaluargata kammayatompa ana' buata a'limbang ri Binanga Yordan?”

2 SAMUEL 19:6

Kikamaseangi tau angkabirisiaki' mingka kikabirisi tau angkamaseangaki'! A'nassami kipappicinikang angkanaya sikamma perwirata siagang sikamma tantarata tena sikali anggaranna mae ri katte. Ba'lalo kammai nicini' angkanaya sannangi nyawata ebara' angkana anne alloa attallasa' iji Absalom nampa mate ngaseng anne ikambe!

2 SAMUEL 3:11

Takkulleai appiali Isyboset manna silappa kana, lanri malla'na ri Abner.

2 SAMUEL 3:13

Appialimi Daud angkana, “Baji'mi. Pabattui anne pasangku mae ri Abner angkanaya: Erokka' appare' parjanjiang siagang ikau, mingka nia' se're sara': Mikhal, ana' bainena Saul, musti nuerangi mae ri nakke punna battuko andallekang mae ri nakke.”

2 SAMUEL 3:21

Le'baki anjo appala'kanami Abner siagang angkana, “Kilappassamma' a'lampa untu' ampagioki sikontu tu Israel sollanna asse're ke'nanga siagang karaengku. Lanatarimaki' ke'nanga a'jari karaeng, na lanri kammana na karaengku lammarenta mae ri sikontu pa'rasanganga, situru' ero'na karaengku.” Nampa nilappassammo Abner a'lampa ri Daud siagang nitanggongi kasalamakkanna.

2 SAMUEL 3:27

Tena nasallo battuna Abner mange ri Hebron, nikio'mi ri Yoab mae ri sa'ri, mae ri ampi'na pakke'bu' lompoa, sangkamma angkanaya nia' rahasia lanabicara. Ti'ring natobo'mi Yoab parru'na Abner sa'genna mate. Kammaminjo namatemo Abner nibuno ri Yoab untu' ambalasaki pammunoanna Abner ri andi'na Yoab iamintu Asael.

2 SAMUEL 3:38

Nakana karaenga mae ri sikamma tumminawanna, “Tanuassengakai angkanaya anne alloa nia' sitau pamimping lompo ri Israel mate?

PAMMUJI 62:9

He, bansaku, manrannuangko ri Allata'ala lalang sikontu wattunnu; pabattui ri Ia bonena atinnu, saba' Iami tampa' pa'la'langanta.