2 SAMUEL 24:25 - KITTA' MATANGKASA'

²⁵ Le'baki anjo ambangummi Daud tampa' pakkoro'bangngang untu' Batara anjoreng, siagang assaremi koro'bang nitunu kammayatompa koro'bang passiamakkang. Niturukiammi pappala' doanna Daud ri Batara, nampa ammarimo anjo garringa ri Israel.

2 SAMUEL 24:25 ပူးပေါင်းရင်းမြစ်များ

PA'JARIANG 12:7

Napappicinikammi KalenNa Batara mae ri Abram na Nakana ri ia, “Iaminne pa'rasangang laKupassareanga mae ri sossorannu.” Nampa ambangummo Abram se're tampa' pakkoro'bangngang anjoreng untu' Batara, ia le'baka ampappicinikangi KalenNa mae ri ia.

PA'JARIANG 22:9

Battui ke'nanga mange ri anjo tampa' le'baka Napau Allata'ala ri Abraham, ambangummi se're tampa' pakkoro'bangngang siagang napa'lonjo'mi anjo kayu tunuanga irateanganna. Nampa nasikko' anjo ana'na siagang napara'ba ri anjo tampa' pakkoro'bangnganga, ri tompo'na anjo kayu tunuanga.

PA'JARIANG 8:20

Appaentemmi Nuh se're tampa' pakkoro'bangngang ri Batara. Nampa angngallemi tassikayu-kayunna massing tassirupaya jangang-jangang siagang olo'-olo' maraengannaya ia hallalaka, nampa napassareang a'jari koro'bang nitunua irate ri anjo tampa' pakkoro'bangnganga.

2 SAMUEL 21:14

Nampa nitarawang anjo buku-bukunna Saul siagang Yonatan kammayatompa buku-bukunna anjo tujua tau lalang ri jera'na Kish manggena Saul ri Zela ri daerana suku Benyamin. Ri le'ba'na ngasemmo nigaukang situru' parentana karaenga, niturukiammi pappala' doanna ke'nanga ri Allata'ala untu' anjo pa'rasanganga.

2 SAMUEL 24:14

Appialimi Daud angkana, “O, dende'! Ballasa'ma' inakke! Mingka bajikangngang mami Batara anghukkung ngasengki' kala rupa tau langhukkunga'; nasaba' Batara lompo pangngamaseangi.”

1 KARAENG-KARAENG 1:1

Kamma-kamma anne toa sikalimi Karaeng Daud. Manna pole nikalimbuki kalimbu' kapala', tuli dingingiji nasa'ring.

YEHEZKIEL 16:42

Le'bappi anjo sikammaya nampa naung larroKu, siagang la'jari sannamMa' ammotere'. Tenamo Kulalarro pole siagang akkimburu.

PAMMILANGNGANG 17:13

Punna a'reppese' taua mange ri KemaNa Batara musti matei; jari tenamo panrannuang mae ri kambe!”

HAKING-HAKING 21:4

Ammukona, bari'basa' dudu, appaentemmi umma' Israel se're tampa' pakkoro'bangngang anjoreng, nampa assare koro'bang ke'nanga mae ri Batara iamintu koro'bang nitunu siagang koro'bang passiamakkang.

HAKING-HAKING 6:24

Appare'mi Gideon se're tampa' pakkoro'bangngang anjoreng, nampa naareng “Batara Kabattuanna Kasalamakkanga.” Anjo tampa' pakkoro'bangnganga nia' iji ri Ofra, iamintu ri kotana tu Abiezer.

1 SAMUEL 13:9

Lanri kammana, nakanamo ri ke'nanga, “Erangi mae anjo koro'bang nitunua siagang koro'bang pappasiamaka.” Nampa kalenna ampassareangi anjo koro'bang nitunua.

1 SAMUEL 14:35

Nampa appaenteng Saul tampa' pakkoro'bangngang untu' Batara; iaminjo uru-uru tampa' pakkoro'bangngang napaentenga.

1 SAMUEL 7:17

Punna le'baki anjo tuli ammotereki mange ri balla'na ri Rama. Anjoreng a'jari hakingi ri tu Israel, siagang pole ambangung tongi pole se're tampa' pakkoro'bangngang untu' Batara.

1 SAMUEL 7:9

Lanri kammana, ammolommi Samuel sikayu ana' gimbala' rungka, nampa nakoro'bangkang sipa'gang a'jari koro'bang nitunu untu' Batara. Le'baki anjo appala' doammi sollanna Natulung Batara tu Israel. Na nitarimamo pappala' doanna.