2 SAMUEL 24:21 - KITTA' MATANGKASA'

²¹ siagang akkuta'nang angkana, “Apa kutaeng paralluta battu mae karaeng?” Appialimi Daud angkana, “Erokka' amballi anne tampa' panggilang gandunnu, lanri erokka' ambangung tampa' pakkoro'bangngang untu' Batara anrinni, sollanna ammari anne garring antujuaki'.”

2 SAMUEL 24:21 ပူးပေါင်းရင်းမြစ်များ

PA'JARIANG 50:10

Ri wattunna anrapi' ke'nanga ri tampa'na tau appatunrunga gandung, iamintu ri Goren-Haatad, irayanganna Binanga Yordan, appiraung lompomi ke'nanga napakamma si'na. Appare'mi Yusuf acara kasusaang tuju allo sallona.

2 SAMUEL 24:18

Anjo memang alloa nabattu Na'bi Gad andallekang ri Daud na nakana ri ia, “Naikki' karaeng ri panggilingang gandunna Arauna, siagang appaentengki' tampa' pakkoro'bangngang untu' Batara.”

2 SAMUEL 24:20

Sitabangi anjo wattua attoa' naung Arauna, na nacini' karaenga siagang sikamma tau niaka anrurungangi battu mae ri ia. Nasu'ju'mo Arauna ri dallekanna Daud,

2 SAMUEL 24:3

Mingka nakanamo Yoab ri karaenga, “Dasi-dasi nanipa'lappi-lappi jaina ra'ya' Israel ri Karaeng Allata'alata, sa'genna a'lappi sibilangngang jaina ri kamma-kammaya anne, kammayatompa dasi-dasi kittallasa' tongija anciniki ke'nanga. Mingka untu' apa nakiero' ansuro bilangi taua karaeng?”

1 PATTOTTORANG 21:22

Angkanami Daud ri ia, “Eroka' ambangung tampa' pakkoro'bangngang untu' Batara anrinni ri tampaka, sollanna ammari anne bala garringa. Jari balukammi anne tampaka mae ri nakke. Pau mami siapa ballinna, nalakubayara'.”

PAMMUJI 106:30

Mingka ambangummi Pinehas anghukkungi tau salaya, nammarimo anjo garringa.

PAMMILANGNGANG 25:8

nampa naondang anjo bura'nea siagang bainea antama' ri kemaya. Nampa nacoka anjo ruaya tau siagang anjo pokea. Sikali ammarimi anjo balaya ri tangnga-tangngana tu Israel.