2 SAMUEL 24:2 - KITTA' MATANGKASA'

² Nampa nakanamo Daud mae ri Yoab panglimana tantarana, “A'lampako siagang sikamma komandanna tantaranu mange ri sikontu suku Israel ri sikontu pa'rasanganga untu' ansuro bilangi panduduka. Erokka' angngassengi jaina ke'nanga.”

2 SAMUEL 24:2 ပူးပေါင်းရင်းမြစ်များ

PA'JARIANG 21:14

Ammukona bari'basa', nasaremi Abraham kanre Hagar siagang se're pammoneang je'ne' untu' a'jari bokong ri lampana. Napadenge'mi anjo anaka ri dongko'na Hagar, nampa nasuro anjo bainea a'lampa. A'lampami Hagar mange ri parang lompona Bersyeba.

2 SAMUEL 17:11

Lanri kammana anjo inakke kamma anne pappakaingakku: Pa'rappungangi sikontu tu Israel battu ri sikontu pa'rasangang, sa'genna rapang kassi' biring tamparang jaina. Nampa kalenta maju ampimpingi ke'nanga a'bundu'.

2 SAMUEL 2:13

Kammayatompa Yoab (amma'na niarengi Zeruya), sipa'rurungang ana' buana Daud a'lampa tongi mange ri anjo kotaya. Anjo ruaya sipa'rappungang siagang a'balia, assidallekangi ri balang Gibeon; Abner sipa'gangngang ammempo ri ba'leang anrinniang, nampa Yoab sipa'gangngang ri ba'leang anjorengang.

2 SAMUEL 20:23

Iaminne pagawe-pagawe tinggina Daud: Panglimana sikontu tantarana Israel: Yoab. Kapala pasukang pangawala' kalenna Daud: Benaya ana'na Yoyada.

2 SAMUEL 24:15

Jari appabattumi Batara garring mae ri tu Israel appakkaramula anjo bari'basaka sa'genna wattu le'baka Natantukang Batara. Ri sikontu Israel nia' 70.000 jaina tau mate.

2 SAMUEL 8:16

Iaminne areng-arenna sikamma tau tinggia pangka'na naangkaka Daud: Panglimana tantaraya iamintu Yoab ana'na Zeruya; Jurutulisi'na balla' kakaraenganga: Yosafat ana'na Ahilud; Imang-imanga: Zadok ana'na Ahitub siagang Ahimelekh ana'na Abyatar; Jurutulisi'na pa'rasanganga: Seraya

1 PATTOTTORANG 21:2

Jari nakanamo Daud mae ri Yoab siagang sikamma perwira tantarana, “Suro bilangi taua ri sikontu Israel sa'genna mange ri kampong-kampong bellaya lanri eroki kuasseng angkanaya siapa jaina ra'ya' Israel.”

2 PATTOTTORANG 32:31

Siagang ri wattunna battu sikamma tunisuroa battu ri Babel untu' ampakkuta'nangngangi antekamma batena appakalannasa' nammolle ri garrinna, nilappassammi Hizkia ri Batara untu' a'gau' ri ero'na, lanri ero'na niso'ri pa'mai'na.

PANGNGEBARANG 29:23

Tau tampoa lanipakatunai; tau tuna pa'maika lanipuji.

YEREMIA 17:5

Nakana Batara, “Punna nabokoiA' taua, Batarana, namanrannuang mae ri rupataua siagang tanjeng ri kagassinganna, laKuhukkungi anjo tau kammaya.

2 KORINTUS 12:7

Mingka sollanna tena nakua'jari tampo dudu lanri ri anjo pappicini' lompoa, le'baka kucini', nisarema' sirupa garring antama' ri kalengku. Anjo garringa akkullei napake Billisika. Nisarea' anjo garringa a'jari pa'ba'bala' ri kalengku, sollanna tena nakua'jari tampo.

HAKING-HAKING 20:1

Jari battumi sikontu umma' Israel, battu ri Dan bageang wara' sa'genna Bersyeba bageang timboro', na Gilead bageang iraya untu' ambantui anjo pakkioka. A'rappummi siagang asse'remi ke'nanga ri Mizpa ri dallekanNa Batara.