2 SAMUEL 23:22 - KITTA' MATANGKASA'

²² Iaminjo jasa-jasana Benaya, kalase'renna tau battua ri “Tridasawira”.

2 SAMUEL 23:22 ပူးပေါင်းရင်းမြစ်များ

2 SAMUEL 20:7

Jari a'lampami pasukang Yoab siagang pasukang pangawala' kalenna karaenga kammayatompa sikontu tantara maraenga, nipimping ri Abisai, untu' angngondangi Seba.

2 SAMUEL 23:20

Nia' sitau maraengannaya masahoro' iamintu Benaya ana'na Yoyada tu Kabzeel. Ia sanna' baranina. Nia' rua pahlawang lompo battu ri Moab le'ba' nabuno. Le'baki ri se'reang allo ri wattu naunna bosi kammaya es batu, nantama' ri se'reang kali'bong nampa ammuno sikayu singa lalang.

2 SAMUEL 23:21

Le'ba' tongi ammuno sitau tu Mesir sannaka gammara'na siagang angngeranga sanjata poke. Nampa takkanja napake Benaya andallekangi anjo taua. Naalleangi pokena anjo tu Mesirka nampa napakei ambunoi anjo taua.

2 SAMUEL 23:23

Lalang ri anjo pa'gompoanga Benaya kaminang masahoro', mingka tena nasangkamma heba'na siagang “Triwira”. Naangkaki Daud anne lapung tau a'jari kapala pangawala' untu' kalenna.

2 SAMUEL 8:18

Kapala pangawala' kalenna karaenga: Benaya ana'na Yoyada; Imang-imang balla' kakaraenganga: ana'-ana' bura'nena Daud.