2 SAMUEL 23:21 - KITTA' MATANGKASA'

²¹ Le'ba' tongi ammuno sitau tu Mesir sannaka gammara'na siagang angngeranga sanjata poke. Nampa takkanja napake Benaya andallekangi anjo taua. Naalleangi pokena anjo tu Mesirka nampa napakei ambunoi anjo taua.

2 SAMUEL 23:21 ပူးပေါင်းရင်းမြစ်များ

2 SAMUEL 23:20

Nia' sitau maraengannaya masahoro' iamintu Benaya ana'na Yoyada tu Kabzeel. Ia sanna' baranina. Nia' rua pahlawang lompo battu ri Moab le'ba' nabuno. Le'baki ri se'reang allo ri wattu naunna bosi kammaya es batu, nantama' ri se'reang kali'bong nampa ammuno sikayu singa lalang.

2 SAMUEL 23:22

Iaminjo jasa-jasana Benaya, kalase'renna tau battua ri “Tridasawira”.

1 PATTOTTORANG 11:23

Le'ba' tongi ammuno se're tu Mesir, ia sannaka lompona pakkaleanna; tinggina la'bi rua metere'. Sanjatana anjo taua iamintu poke sannaka lompona, mingka palu-paluji napake Benaya angngewai. Narampasaki anjo poke niaka ri limanna anjo tu Mesirka nampa napake ambunoi anjo taua.

KOLOSE 2:15

Anjoremmi ri kayu salli'Na Almasi Napatundu' ngaseng sikontu roh-roh ammarentaya siagang niaka koasana. Lanipareki paccini'-cinikang ke'nanga ri dallekanna tau jaia ri wattunna nire'resang a'jari tu nitahang ke'nanga ri Almasi lalang ri barisang passua'-suarrang pammetanNa.