2 SAMUEL 23:20 - KITTA' MATANGKASA'

²⁰ Nia' sitau maraengannaya masahoro' iamintu Benaya ana'na Yoyada tu Kabzeel. Ia sanna' baranina. Nia' rua pahlawang lompo battu ri Moab le'ba' nabuno. Le'baki ri se'reang allo ri wattu naunna bosi kammaya es batu, nantama' ri se'reang kali'bong nampa ammuno sikayu singa lalang.

2 SAMUEL 23:20 ပူးပေါင်းရင်းမြစ်များ

2 SAMUEL 1:23

Saul siagang Yonatan, kamma sombere'na siagang nikamaseangi; tuli akkana se're lalang tallasa'na siagang lalang matena; la'bi lintaki na jangang-jangang garuda, la'bi gassingi na singa rungkaya.

2 SAMUEL 20:23

Iaminne pagawe-pagawe tinggina Daud: Panglimana sikontu tantarana Israel: Yoab. Kapala pasukang pangawala' kalenna Daud: Benaya ana'na Yoyada.

2 SAMUEL 23:21

Le'ba' tongi ammuno sitau tu Mesir sannaka gammara'na siagang angngeranga sanjata poke. Nampa takkanja napake Benaya andallekangi anjo taua. Naalleangi pokena anjo tu Mesirka nampa napakei ambunoi anjo taua.

2 SAMUEL 23:22

Iaminjo jasa-jasana Benaya, kalase'renna tau battua ri “Tridasawira”.

2 SAMUEL 8:18

Kapala pangawala' kalenna karaenga: Benaya ana'na Yoyada; Imang-imang balla' kakaraenganga: ana'-ana' bura'nena Daud.

1 KARAENG-KARAENG 1:26

Mingka, tena nanaundanga'. Imang Zadok siagang Benaya, kammayatompa Salomo tena todong naundangi.

1 KARAENG-KARAENG 1:38

Jari Zadok, Natan, Benaya, siagang pangawala' ri kalenna karaenga nasuromi Salomo nai' ri keledaina karaenga, nampa narurungang mange ri timbuseng je'neka ri Gihon.

1 KARAENG-KARAENG 1:8

Mingka Imang Zadok, Benaya ana'na Yoyada, Na'bi Natan, Simei, Rei siagang pangawala' ri kalenna Karaeng Daud, tena nammenteng ri Adonia.

1 KARAENG-KARAENG 2:46

Le'baki akkana kamma, naparentakammi karaenga mae ri Benaya nampa a'lampa Benaya mange ambunoi Simei. Kamma-kamma anne koasami ri sikabusu'na lalang kakaraenganna.

1 PATTOTTORANG 12:8

Ri wattu nia'na Daud ri pattampakkanna ri parang lompoa, jai pejuang masahoro' siagang niaka pangalamanna battu ri suku Gad battu a'gabung mae ri ia. Iami ke'nanga pejuang-pejuang sannaka cara'de'na ammake sanjata poke siagang pa'lapa' barambang; sanna' ngaseng baranina ke'nanga sanrapang singa, siagang lacciri' sikali ke'nanga sanrapang jonga.

KALAPPASSANG 15:15

Annekkere'mi tu baranina Moab, ca'dimi pa'mai'na tu Kanaan.

YOSUA 15:21

Kota-kota kaminang bellaya ri bageang timboro', a'jaria buttana suku Yehuda iamintu niaka ri pa'baeng-baenna Edom, yangasenna nia' ruampulo assalapang kota kammayatompa desa-desa niaka ri tammulilina. Anjo kota-kotaya iamintu: Kabzeel, Eder, Yagur, Kina, Dimona, Adada, Kedes, Hazor, Yitnan, Zif, Telem, Bealot, Hazor-Hadata, Keriot-Hezron (iamintu Hazor), Amam, Sema, Molada, Hazar-Gada, Hesmon, Bet-Pelet, Hazar-Sual, Bersyeba, Baala, Iyim, Ezem, Eltolad, Khesil, Horma, Ziklag, Madmana, Sansana, Lebaot, Silhim, Ain, siagang Rimon.