2 SAMUEL 23:1 - KITTA' MATANGKASA'

¹ Nipilei Daud ana'na Isai a'jari karaeng siagang nipa'jari tumalompoi ri Allata'alana Yakub. Iami appare' kelong-kelong untu' tu Israel. Na iaminne kana-kananna Daud kala'busanga:

2 SAMUEL 23:1 ပူးပေါင်းရင်းမြစ်များ

PA'JARIANG 49:1

Nampa nakio'mi sikamma ana'na Yakub, nampa nakana, “A'rappungang mako anrinni, ri ampikku. Lakupauangko apa lakajarianga mae ri kalennu ri allo ri boko:

2 SAMUEL 22:34

Napakajarreki bangkengku rapang bangkeng jonga, na Najagai kasalamakkangku ri monconga.

2 SAMUEL 22:51

Allata'ala assarei pammetang karaeng Napilea, tuli Nakamaseangi tau Napilea, iamintu Daud siagang jari-jarina sa'genna satunggu-tungguna.

1 PATTOTTORANG 16:7

Iaminjo bungasa'na Daud ansarei tugasa' Asaf siagang aganna ngaseng untu' akkelong pammuji-muji mae ri Batara.

1 PATTOTTORANG 16:9

Akkelongko pammuji mae ri Batara birittakangi sikamma bate pare' malompoNa.

PAMMUJI 2:6

Nakana, “Ri Sion bulu' matangkasakKu le'ba' Kulanti' karaeng nipileKu.”

PAMMUJI 72:20

Sikammaminjo pappala' doanna Daud, ana'na Isai.

PAMMUJI 89:20

Riolo dudu lalang se're so'na, Kikana mae ri ata tamamminraTa, “Le'baki Kutulung se'rea tubarani, se'rea tule'ba' Kupile battu ri ra'ya', Kupakatinggimi.

PAMMUJI 89:21

Kubuntulu'mi Daud, atangKu, nampa Kulanti' siagang minynya'-minynya' upacara.

AMOS 6:5

Nungai appareka kelong, sangkamma nagaukanga Daud, siagang nungai angkelongangi anjo lagua nururungang kacapi.

LUKAS 20:42

Na kalenna Daud angkana lalang ri Kitta' Pammuji angkanaya, ‘Nakana Batara ri Bataraku: AmmempoKo ri sa'ri kanangKu,

LUKAS 24:44

Le'baki anjo Nakanamo ri ke'nanga, “Iaminne sikamma passala' le'baka Kupau ri kau ngaseng, ri wattungKu nia'ija assiagang ikau ngaseng. Iamintu angkanaya: sikamma niaka tattulisi' lalang Kitta'-kitta' Musa, Na'bi-na'bia, siagang Pammujia, iamintu ansero kanayai KalengKu, musti kajariang ngasengi.”

PAOLE 33:1

Lalang tenanapa namate, Musa, tunisuroNa Allata'ala, nabarakkaki bansa Israel siagang kana-kana kamma anne:

KOLOSE 3:16

Parallui antama' ri atinnu ajarang-ajaranNa Almasi rassia barakka'. Paralluko massing siajara' siagang sipakainga' baji'-baji'. Kelongangi kelong-kelonga siagang pammuji-mujia kammayatompa lagu-lagu rohania; sukkurukko lalang ri atinnu nukkelong-kelong untu' Allata'ala.

YAKOBUS 5:13

Punna nia' ri tangnga-tangnganu tau susa, parallui appala' doang. Punna nia' tau rannu, parallui akkelong mammuji ri Allata'ala.

1 SAMUEL 17:12

Daud iamintu ana'na Isai tu Efrata, battu ri Betlehem ri Yehuda. Isai nia' sagantuju ana'na bura'ne. Na ri wattu pamarentahanna Saul, toa sikalimi Isai.

1 SAMUEL 18:7

A'joge'-joge'mi bai'-bainea nampa akkelong-kelong angkana, “Saul ammuno assa'bu-sa'bu musu, mingka Daud appulo-pulo sa'bu.”

1 SAMUEL 2:10

Musu-musunNa Batara ancu'-ancuruki, mallaki ke'nanga; a'gunturuki battu ri langika. Batara angngadeli sikontu anne linoa, na Nasare koasa mala'biri' ri karaeng Nipilea.”