2 SAMUEL 22:48 - KITTA' MATANGKASA'

⁴⁸ Nasarea' pammetang mae ri musungku, Napadundui bansa-bansaya ri dallekangku,

2 SAMUEL 22:48 ပူးပေါင်းရင်းမြစ်များ

2 SAMUEL 18:19

Nampa nakanamo Ahimaas ana'na Zadok mae ri Yoab, “Kellaima' lari a'lampa mange ri karaenga angngerang kabara' baji' angkanaya nipasalama'mi ri Batara battu ri musunna.”

2 SAMUEL 18:31

Nampa battu tommo atanna Yoab, siagang nakanamo ri karaenga, “Kabara' baji' naerang atanta untu' ikatte karaeng. Anne alloa Nasare maki' Batara pammetang mae ri sikontu tau angngewaya mae ri katte.”

2 SAMUEL 4:8

Nampa napassareang ke'nanga anjo ulunna Isyboset mae ri Daud ri Hebron siagang nakana, “Iaminne ulunna Isyboset, ana' bura'nena Saul, musunna karaengku eroka ambunoi karaengku. Anne alloa nabalasaki panggaukanna Saul siagang jari-jarina untu' ikatte.”

PAMMUJI 110:1

Pammujina Daud. Nakana Batara ri karaengku, “Ammempoko ri sa'ri kanangKu, sa'genna Kupatundu' ngaseng sikamma musunnu.”

PAMMUJI 144:2

Ia antulunga' siagang angngalleanga', ampasalamaka' siagang tampa' pa'la'langangku. Ia pa'la'langangku, tampa' palariangku, napantuduki bansa-bansaya mae ri nakke.

PAMMUJI 94:1

O, Allata'ala, IKatte Allata'ala assarea pa'balasa', Kipappicinikang laloi pa'balasatTa, o, Batara.

1 KORINTUS 15:25

Musti ammarenta tuli Almasi sa'genna nipasomba ngaseng ri Allata'ala sikontu musunNa Almasi ri dallekanNa Almasi.

PAOLE 32:35

LaNabalasaki siagang laNahukkungi ke'nanga, latu'guruki ke'nanga; a'reppese'mi kapanrakanna ke'nanga.

1 SAMUEL 24:12

Tapporo Batara antappuki angkana inai ri katte sipa'rua sala. Poro Batara ambalasaki panggaukanna karaenga mae ri atanta, mingka manna sike'de' tania' ero'na atanta untu' ampa'risiki'.

1 SAMUEL 25:30

LaNagaukangi Batara sikontu kabajikang le'baka Napa'janjiang mae ri karaengku, siagang tasalloami naNaangkakki' a'jari karaeng ri Israel.

1 SAMUEL 25:39

Nalangngere'na Daud angkana matemi Nabal, nakanamo, “Nipujimi Batara! Nabalasa'mi kana-kana appakahinana mae ri nakke, siagang Napisangkaimi anne atanNa ampanggaukang kaja'dallang. Nihukkummi Nabal ri Batara lanri kaja'dallanna.” Nampa akkirimmo Daud tunasuro mange ri Abigail untu' ampassuroi a'jari bainenna.