2 SAMUEL 22:44 - KITTA' MATANGKASA'

⁴⁴ Kilappassanga' battu ri tau dorakaya na Kipa'jaria' tukoasa mae ri bansa-bansaya; bansa tenaya nakuassengi a'jari atangku.

2 SAMUEL 22:44 ပူးပေါင်းရင်းမြစ်များ

2 SAMUEL 19:14

Kammaminjo nakkullemo Daud angngallei pa'mai'na sikontu tu Yehuda sa'genna akkirimmo ke'nanga pasang mae ri karaenga sollanna ammotere' mange ri balla' kakaraenganga siagang ngaseng sikontu pagawena.

2 SAMUEL 19:9

Nia'mo ammumba ri sikontu Israel passigeakkang. Nakana ke'nanga, “Karaeng Daud le'ba' ampasalamakki' battu ri tu Filistin siagang allappassangki' battu ri musu-musunta maraenga, mingka kamma-kamma anne larimi battu ri Absalom siagang nabokoimi anne pa'rasanganga.

2 SAMUEL 20:22

Nampa a'lampa siagang appare' akkala' baji' untu' ampabattui ero'na mae ri pandudu'na anjo kotaya. Le'baki anjo nisamballemi nanialle ulunna Seba nampa nipasambila mae ri Yoab. Nampa napasa'ra tarompe'na Yoab sa'genna nabokoimo ana' buana anjo kotaya nampa ammotere' mae ri massing balla'na. Kammayatompa Yoab ammotere' tommi mange ri Yerusalem andallekang ri karaenga.

2 SAMUEL 3:1

Anjo pa'bundukanga battu ri tumminawanga ri kaluargana Saul a'bali tau amminawanga ri Daud tena nammari-mari. Pila' kassaki Daud, nampa balinna pila' lammai.

2 SAMUEL 5:1

Le'baki anjo battu ngasemmi sikontu pamimping-pamimpinna suku-suku Israel mange ri Daud ri Hebron siagang angkana ke'nanga ri ia, “Ikambe anne bija ma'reppesettaki' karaeng.

PAMMUJI 110:6

LaNahukkungi bansa-bansaya, sa'genna tassiara' maya'na ngaseng. Lapapossoki sikamma tukoasaya ri sikontu linoa.

PAMMUJI 18:43

Kiancuruki ke'nanga sanrapang limbu'bu' tassimbunga, nampa Kibarrasa' sanrapang peo' ri aganga.

PAMMUJI 2:8

Palaki, naKupassareang sikontu bansaya ri kau, sikontu buttaya Kupa'jari ikau pata.

YESAYA 55:4

Sikontutojenna, ia laKupa'jari pamimping siagang panglima, sa'bi kakoasangKu mae ri sikamma bansa-bansaya.

YESAYA 55:5

Lanukioki bansa-bansa maraenga, na battu linta' ke'nanga mae ri kau, lanri iNakke, Karaeng Allata'alanu, Allata'ala matangkasa'na Israel, lanri le'ba' mako Kupakalompo.”

YESAYA 60:12

Bansaya siagang kakaraengang tenaya natundu' ri kau, laancuruki siagang lalanynyaki.

YESAYA 65:1

Nakana Batara, “SadiaMa' ero' appiali ri ummakKu, mingka tena nappala' doang ke'nanga mae ri Nakke. SadiaMa' nibattui ri ke'nanga, mingka taerokai ke'nanga amboyA'. Anjo bansaya tena nakkio' ri Nakke, manna pole sadiaMa' lappiali: Anne nia'jA'!

DANIEL 7:14

Nisarei kalompoang siagang kakoasanga salaku karaeng, sa'genna sikamma tau battua ri sikontu bansaya, suku bansaya siagang bahasaya napare' atai kalenna mae ri ia. Lattahangi kakoasanna satunggu-tungguna, siagang pamarentahanna tena nalanigulung.

HOSEA 2:23

LaKupa'jari salewangangi tallasa'na ummakKu siagang ammantang tuli ri pa'rasanganna ke'nanga. Ri ke'nanga nigallaraka ‘Tenaya Nikamaseangi’ laKupappicinikangi angkanaya Kukamaseangi ke'nanga, na ri ke'nanga nigallaraka ‘Teai UmmakKu’, laKukanai, ‘Ikau Ngaseng UmmakKuko’. Lappiali ke'nanga kamma anne, ‘IKatte Allata'alana ikambe.’ ”

ROMA 15:12

Siagang kammami anne napaua pole Na'bi Yesaya, “Battu ri sossoranna Isai nia' lammumba sitau lammarentaya mae ri bansa-bansaya; Iami lanapanrannuangi anjo bansa-bansaya.”

ROMA 9:25

Nasaba' Nakana Allata'ala lalang ri Kitta' Na'bi Hosea, “Tau teai ummakKu, laniarengi ‘UmmakKu’. Bansa tenaya naKukamaseangi, laKuarengi ‘TunikamaseangKu’.

PAOLE 28:13

LaNapa'jariko Karaeng Allata'alanu pamimping ri alla'na bansa-bansaya, siagang teaiko tau ammina'-minawang. Punna tamamminrayako mannuruki mae ri sikontu parentaNa Batara kupassareanga mae ri kau anne alloa, pila' lasalewangangko siagang tena nule'ba' lammono'boko.

PAPPICINI' 11:15

Nampa napasa'ra tarompe'na malaeka' makatujua; na nia'mo nilangngere' ri suruga sa'ra-sa'ra sannaka lompona, angkanaya, “Kamma-kamma anne nia'mi lalang limanNa Batarata siagang Karaeng Mappasalama' Napa'janjianga kakoasanga untu' ammarenta ri anne linoa, iamintu Karaeng Mappasalama' Napa'janjianga. Lammarentai sa'genna satunggu-tungguna!”