2 SAMUEL 22:40 - KITTA' MATANGKASA'

⁴⁰ Kisarea' kagassingang untu' a'bundu', siagang pammetang mae ri musu-musungku.

2 SAMUEL 22:40 ပူးပေါင်းရင်းမြစ်များ

PAMMUJI 109:19

Boli'mi kamma nitongko' kalenna ri pattunra sanrapang pakeang, na tuli nikaluki sanrapang passikko' aya'.

PAMMUJI 144:2

Ia antulunga' siagang angngalleanga', ampasalamaka' siagang tampa' pa'la'langangku. Ia pa'la'langangku, tampa' palariangku, napantuduki bansa-bansaya mae ri nakke.

PAMMUJI 18:32

Saba' Batarayaji bawang Allata'ala; Allata'alaji bawang akkulle ampattojengki'.

PAMMUJI 18:39

Kipatappasaki ke'nanga sa'genna takkullea ambangung poleang, anra'ba tenamo pakkullena ke'nanga ri dallekang bangkengku.

PAMMUJI 44:5

IKattemi Karaengku siagang Allata'alaku, assareai pammetang ummatTa.

YESAYA 45:5

INakkemi Batara, tena pantaranganna, iNakke Allata'ala Kaminang Se're-se'rea. Le'ba' mako Kusare sanjata, manna natena nuassengA'.

YESAYA 60:14

Ana'-ana'na tau anjallakkangiako battui su'ju', ia le'baka anghinako la'dundui, lanigallarakko ‘KotaNa Batara’, ‘Sion, Kota Allata'ala Matangkasa'na Israel’.

KOLOSE 1:11

Poro nipakajarrekko lanri kakoasang malompoNa Allata'ala, sa'gennu akkulle attahang angkasiaki sikamma kapa'risanga siagang sa'bara', yareka sannang pa'mai',

PAPPICINI' 5:9

Akkelommi ke'nanga se're kelongang beru nakana: “IKattemi siratang angngallei anjo kittaka, siagang anreppeki sege'-segele'na. Nasaba' Ikattemi le'ba' nibuno, na lanri kamateanTa, na le'ba'mo Kiballi sikontu rupataua battu ri a'rupa-rupa suku, bahasa, pa'rasangang, siagang bansa, untu' Kierang ri Allata'ala.

1 SAMUEL 23:5

Jari a'lampami Daud siagang ana' buana mange ri Kehila nampa nabunduki siagang nabuno jai tu Filistin, na narampasa' olo'-olo' katuona ke'nanga. Kammaminjo nanapasalama'mo Daud pandudu'na anjo kotaya.