2 SAMUEL 22:4 - KITTA' MATANGKASA'

⁴ Makkioka' ri Batara siratanga nipuji, Ia allappassanga' battu ri musu-musungku.

2 SAMUEL 22:4 ပူးပေါင်းရင်းမြစ်များ

2 PATTOTTORANG 20:22

Ri wattunna appakkaramula akkelong suara' anjo pakelonga, Napakaricumi Batara tantara musu eroka a'bakka maju a'bundu'.

NEHEMIA 9:5

Passambayanganga anjo alloa napakaramulai tu Lewi, iamintu: Yesua, Kadmiel, Bani, Hasabneya, Serebya, Hodia, Sebanya, siagang Petahya. Nakana ke'nanga, “Ammentengko nampa nipuji Karaeng Allata'alata! Mammujiko mae ri Ia sa'genna satunggu-tungguna! Nipujimi arenNa sukkuka ri kala'birang, hebaki arenNa, la'biangngangi nasikontu pammujia!”

PAMMUJI 106:2

Inai akkulle angkabarrangi kaporeanNa Batara, siagang assare pammuji siratanga mae ri Ia?

PAMMUJI 116:13

Erokka' angngerang passare anggoro' mae ri Batara untu' angkasukkurangi pannulunNa.

PAMMUJI 116:17

Langngeranga' koro'bang sukkuru' mae ri Katte, nakuappanai' pappala' doang mae ri Katte.

PAMMUJI 116:2

Napilangngeria', kere-kere wattu nakukkio' mae ri Ia.

PAMMUJI 116:4

Jari akkio'ma' mae ri Batara, angkana, “O, Batara, kupalaki, naKipasalamaka'!”

PAMMUJI 18:3

Batara sanrapang pa'la'langngang makassakku tampa' pa'la'langangku. Allata'alaku sanrapang moncong batu tampa' pa'la'langangku. Sanrapang pa'lapa' antongkokia', siagang anjagaia' kutuli amang.

PAMMUJI 34:6

Tu nijallakkanga manrannuangi ri Ia nampa a'jari rannumo, tenamo saba'na lasiri'-siri' ke'nanga.

PAMMUJI 48:1

Pammujina golongang Korah.

PAMMUJI 50:15

Akkiokko mae ri Nakke ri wattu kasukkarang, iNakke lallappassangko, siagang lamammujiko mae ri Nakke.”

PAMMUJI 55:16

Boli'mi kamma namate silalonna musungku na naung attallasa' ri linona tau matea, saba' kaja'dallanna niaki ri balla'na ke'nanga, ri tangnga-tangngana ke'nanga.

PAMMUJI 56:9

Kibilang-bilangi allo-allo pa'la'bakkangku, na Kiasseng siapa jaina je'ne' matangku; tenaka naKibilangi anjo?

PAMMUJI 66:2

Akkelongko siagang pakalompoi arenNa, pakala'biriki siagang kelong-kelong pammuji.

PAMMUJI 96:4

Saba' malompoi Batara, siagang sanna' nipujiNa, musti nikamallakkangi la'biangngang nasikontu rewataya.

ROMA 10:13

Nia' tattulisi' lalang ri Kittaka angkanaya, “Sikamma tau akkioka mae ri Batara lasalama' ngasengi.”

PAPPICINI' 4:11

“O Batara, Allata'alana ikambe! IKatteji bawang siratang annarima pammuji, pappakala'biri' siagang kakoasang. Nasaba' iKattemi ampa'niaki sikontu apa-apa niaka, siagang lanri erotTa tommi nanjari siagang attallasa' sikontu apa-apa niaka.”

PAPPICINI' 5:12

Siagang sa'ra lompo, nakana, “Anjo Ana' Gimbala' le'baka nisamballe, siratangi annarima koasa, kakalumanynyangang, kacara'dekang siagang kagassingang; siratangi nipakalompo, nipakala'biri' siagang nipuji-puji!”