2 SAMUEL 22:25 - KITTA' MATANGKASA'

²⁵ Na Nabalasa' Batara gau' tojengku lanri naassenNa angkana tena kusala.

2 SAMUEL 22:25 ပူးပေါင်းရင်းမြစ်များ

2 SAMUEL 22:21

Nabalasaki Batara gau' katojengangku; Nabarakkakia' lanri tenana kusala.

1 KARAENG-KARAENG 3:6

Appialimi Salomo angkana, “O Batara, le'ba'mi Kipappicinikang angkanaya sanna' Kikamaseanna manggeku Daud, anjo atanTa. Ia bajiki, lambusuki, kammayatompa tamamminrayai mae ri Katte. Na salaku jaminang, angkanaya latuli Kikamaseanna, Kisaremi sitau ana' bura'ne ia ammarentaya kamma-kamma anne untu' ansambeangi.

PANGNGEBARANG 11:31

Punna lannarima todong pa'balasa' tau bajika ri anne linoa, mattantumi langgappana hukkungang tau ja'dalaka siagang tau dorakaya.

PANGNGEBARANG 5:21

Naciniki Batara sikontu apa-apa nagaukanga rupataua. Manna kemae lampana rupataua, tuli nijannangngi ri Batara.

YESAYA 3:10

Nakana Batara, “Pabattui mae ri tau mannurukia ri Nakke angkana lamate'nei siagang lasalamaki ke'nanga. Lanakasia' bajiki ke'nanga wassele' posona.

2 KORINTUS 5:10

Nasaba' attantumi angkanaya lanierangki' mange andallekang ri pangadelanNa Almasi; siagang massing langgappa maki' pa'balasa' situru' apa le'baka nigaukang ri linoa anne, iamintu panggaukang baji' yareka panggaukang ja'dala'.

1 SAMUEL 26:23

Batara lambarakkaki sikamma tau tamamminraya siagang lambusuka pa'mai'na. Nasaba' manna pole anne alloa Napasasareammi Batara karaengku mae ri atanta, mingka taerokai atanta a'gau' ja'dala' mae ri karaengku, karaeng nipilea ri Batara.