2 SAMUEL 22:23 - KITTA' MATANGKASA'

²³ Sikontu hukkunNa kuparhatikangi, tena kubalang parekangi sikamma parentaNa.

2 SAMUEL 22:23 ပူးပေါင်းရင်းမြစ်များ

PAMMUJI 119:102

Tena kubalang parekangi hukkunTa, saba' iKatte angngajarakka'.

PAMMUJI 119:128

Lanri kamma nakuttallasa'mo situru' sikontu pitunjutTa; panggaukang ammengkaya kukabirisi.

PAMMUJI 119:13

Kulompoi sa'rangku ampappiassengangi sikontu hukkung Kipassareanga.

PAMMUJI 119:30

Kupileimi lamannurukia, tuli kuu'rangi parentaTa.

PAMMUJI 119:6

Punna kuparhatikang sikontu parentaTa, tenamo kulanipakasiri'.

PAMMUJI 119:86

Sikontu hukkunTa akkullei nirannuang, Kitulung laloa', saba' niondanga' natena passabakkanna.

LUKAS 1:6

Ningai ri Allata'ala katallassang pakkalabinianna ke'nanga. Nasaba' tutui ke'nanga anturuki ero'Na Allata'ala siagang sikamma atorang Napassareanga Allata'ala.

YOHANES 15:14

Ikau ngasemmi antu passari'battangangKu, punna nugaukangi apa Kuparentakanga ri kau.

PAOLE 17:20

Punna rajengi ambacai, tenamo nalanakana kalenna la'bi bajikangngangi na julu bansana maraenganga, siagang manna antekamma tenamo nalanadakkai parentaNa Batara. Nampa iami siagang jari-jarina tuli lammarenta ri bansana.”

PAOLE 7:12

“Punna nuparhatikang anjo parenta-parentaya, siagang nugaukang tamattappu', tena todong namamminra pa'mai'Na Karaeng Allata'alanu mae ri parjanjiang Napareka siagang ikau ngaseng. LaNapappicinikangi pangngamaseang tamattappu'Na mae ri kau, sangkamma Napa'janjianga mae ri boe-boenu.

PAOLE 8:11

“Katutui baji'-baji', sollanna tena nutakkaluppa mae ri Karaeng Allata'alanu; teako bawang-bawangngangi manna pole se'reja battu ri sikontu hukkunNa kupassareanga mae ri kau anne alloa.