2 SAMUEL 22:1 - KITTA' MATANGKASA'

¹ Le'ba'namo nipasalama' Daud ri Batara battu ri Saul siagang sikontu musunna maraenga, nakelongammi Daud anne lagu kammaya mae ri Batara:

2 SAMUEL 22:1 ပူးပေါင်းရင်းမြစ်များ

2 SAMUEL 12:7

Nakanamo Natan ri Daud, “Ikattemi anjo taua karaeng! Siagang iaminne kananNa Batara, iamintu Allata'alaNa Israel, ‘Ikau le'ba' mako Kuangka' a'jari karaeng mae ri Israel siagang Kupasalamakko battu ri Saul.

2 SAMUEL 22:49

Napasalamakka' battu ri musu-musungku. Batara, Kisarea' pammetang mae ri musungku, Kila'langia' battu ri tau pallaka.

1 PATTOTTORANG 16:7

Iaminjo bungasa'na Daud ansarei tugasa' Asaf siagang aganna ngaseng untu' akkelong pammuji-muji mae ri Batara.

PAMMUJI 34:19

Ma'reppeseki Batara mae ri tu ca'dia pa'mai'na; Napasalamaki tu tappu' minasaya.

PAMMUJI 50:14

Assare mako koro'bang sukkuru' mae ri Allata'ala, rupai janjinnu mae ri Kaminang Tinggia.

KALAPPASSANG 15:1

Nampa nakelongammo Musa siagang tu Israel anne kelonga untu' mammuji mae ri Batara, “Eroka' mammuji mae ri Batara, saba' le'ba'mi ammeta lompo. Sikontu jaranga siagang tu'baena nipasambilai antama' ri tamparang.

2 KORINTUS 1:10

Iami le'baka ampasalamaki ikambe battu ri bahaya lompona anjo kamateanga. Kammayatompa Ia tommi sallang lampasalamaki ikambe ri allo-allo labattua. Nasaba' Iami panrannuanna ikambe.

PAOLE 31:30

Nampa napabattumo Musa anne kelong-kelonga sa'genna puppusu', nampa mappilangngeri sikontu bansa Israel.

2 TIMOTIUS 4:18

Memang, tuli laNalappassanga' Batara battu ri sikontu usaha ja'dalaka mae ri kalengku. LaNaeranga' siagang salama' antama' ri KakaraenganNa ri suruga. Poro nipakala'biriki sa'genna satunggu-tungguna! Aming.

HAKING-HAKING 5:1

Anjo alloa akkelong-kelommi Debora siagang Barak ana'naya Abinoam. Kammaminne kelong-kelonna:

1 SAMUEL 23:14

Le'baki anjo ammantammi Daud ri kali'bong-kalibong niaka ri monconga, ri parang lompona Zif. Tuli niondang mange-mangemi ri Saul, mingka tanipassareangai mae ri anjo karaenga.

1 SAMUEL 24:15

Batara la'jari haking mae ri katte sipa'rua, ikatte karaeng siagang anne atanta. Tapporo Naparessai anne parkaraya, na Nabantu atanta siagang Napasalama' atanta battu ri karaeng.”

1 SAMUEL 25:29

Ebara' angkana nia' tau ambunduki karaengku siagang ancobai ero' ambunoi karaengku, mattantu laNakatutuiki' Karaeng Allata'ala sanrapang barang-barang nijagaia ri patanna. Mingka sikamma musu-musunna karaengku lanipasambilai bella-bella ri Batara, nipasambila siagang patte'.

1 SAMUEL 26:24

Jari, sangkamma batena atanta, anne alloa narellakammi karaengku attallasa', kamma tomminjo tapporo nikatutui anne atanta ri Batara siagang nilappassang battu ri sikontu bahayaya!”

1 SAMUEL 27:1

Appikkiri'mi lalang ri atinna Daud angkana, “Manna pole antekamma, ri se'reang allo lanabuno tonja' Saul. Jari tena oloang maraeng ri nakke, pantaranganna laria mange ri pa'rasangang Filistin. Lanri kammana anjo talanaboyaiyama' Saul ri Israel, siagang laamang tommi kusa'ring.”