2 SAMUEL 21:7 - KITTA' MATANGKASA'

⁷ Mingka lanri anjo Daud siagang Yonatan le'ba'mi massing assumpa, tena napassareangi Daud Mefiboset ana'naya Yonatan.

2 SAMUEL 21:7 ပူးပေါင်းရင်းမြစ်များ

2 SAMUEL 16:4

Nampa nakanamo karaenga ri Ziba angkana, “Appakkaramula kamma-kamma anne sikontu barang-baranna Mefiboset ikau ngasemmi pata.” Appialimi Ziba angkana, “Tarima kasi karaeng. Dasi-dasi natuli sannang pa'maitta mae ri atanta karaeng!”

2 SAMUEL 19:25

Ri wattunna battu Mefiboset battu ri Yerusalem untu' anruppai karaenga, nakanamo karaenga ri ia, “O Mefiboset, angngapa natena numminawang ri nakke anjo wattua?”

2 SAMUEL 9:1

Ri se'reang allo akkuta'nangi Daud angkana, “Nia' ija bijanna Saul attallasa'? Punna nia' erokka' a'gau' baji' mae ri ia lanri Yonatan.”

2 SAMUEL 9:10

Ikau siagang sikamma ana'nu kammayatompa pambantunu musti najamai anjo buttaya untu' kaluargana karaennu Saul, siagang sareangi anjo wassele'na ke'nanga untu' ampa'gannaki kaparalluanna ke'nanga. Mingka Mefiboset akkullei angnganre satunggu-tungguna ri balla' kakaraenganga.” (Ziba nia' ana'na 15 tau bura'ne siagang 20 jaina atanna.)

2 SAMUEL 9:6

Anjo ana' bura'nena Yonatan niarengi Mefiboset. Ri wattunna battu, su'ju'mi ampakalompoi Daud. Nipattaumi ri Daud angkana, “Mefiboset”. Nappialimo angkana, “Iye' karaeng.”

2 SAMUEL 9:7

Angkanami Daud, “Teako mallakki. Lalammoro' pa'maika' mae ri kau lanri Yonatan manggenu. Sikontu buttana toanu iamintu Saul, lakupoterangi mae ri kau siagang akkulleko angnganre ri balla' kakaraenganga satunggu-tungguna.”

KATO'BA 8:2

Mannurukiko punna nasareko parenta karaenga, teako sambarangngi a'janji mae ri Allata'ala.

1 SAMUEL 18:3

Lanri kammana assumpami Yonatan la'jari agang siagang Daud situlusu'na.

1 SAMUEL 20:12

Nampa nakana Yonatan ri Daud, “Tapporo Batara, Allata'alana Israel a'jari sa'bi mae ri katte! Ammuko bari'basa' yareka ammembara', ri wattu kamma-kammaya anne, lakuusahakangi angngassengi bone atinna manggeku. Punna bajiki mae ri kau, lakkiringa' kabara' mae ri kau.

1 SAMUEL 20:15

pappicinikangi mae ri turungangku tamamminranu satunggu-tungguna. Na punna Naancuru' ngaseng Batara sikontu musunnu,

1 SAMUEL 20:17

Jari makapinruanna Yonatan nasuromi Daud a'janji untu' angkamaseangi, nasaba' ia nakamaseangi Daud sangkamma batangkalenna.

1 SAMUEL 20:42

Nampa nakanamo Yonatan ri Daud, “Tapporo Natulung laloko Allata'ala. LaNajamingi Batara angkanaya ikatte siagang turunganta tuli lanata'gala' jarreki parjanjianta sipa'rua ri dallekanNa Allata'ala.” Le'baki anjo a'lampami Daud, nampa a'lampa tommo Yonatan ammotere' mange ri kotaya.

1 SAMUEL 20:8

Appala' tulunga' ri kau, nasaba' le'ba' maki' assijanji ri dallekanNa Batara. Mingka punna nia' salangku, bunoma', mingka teako passareangia' mae ri manggenu.”

1 SAMUEL 23:18

Nampa appare'mo Daud siagang Yonatan parjanjiang passari'battangang ri dallekanNa Batara. Le'baki anjo ammotere'mi Yonatan ri balla'na, na Daud ammantangiji ri Hores.

1 SAMUEL 24:22

Nampa assumpamo Daud lanagaukang anjo passalaka. Nampa ammotere'mo Saul mange ri balla'na, kammayatompa Daud siagang ana' buana ammotere' tommi battu ri paccokkoanna.