2 SAMUEL 21:16 - KITTA' MATANGKASA'

¹⁶ Nia'mo se're tu lompo kalenna niarenga Yisbi-Benob. Ia pokena tambaga nipare', battala'na kira-kira nia' tallu sitangnga kilo. Angngerang tongi pa'dang beru, siagang napattantumi angkanaya akkullei nabuno Daud.

2 SAMUEL 21:16 ပူးပေါင်းရင်းမြစ်များ

PA'JARIANG 14:5

Ri taung makasampulona angngappa', battumi Karaeng Kedorlaomer siagang aganna ngaseng angngerangi tantarana ke'nanga. Nampa nabetamo ke'nanga tu Refaim ri Asyterot-Karnaim, tu Zuzim ri Ham, tu Emim ri Syawe-Kiryataim,

PA'JARIANG 6:4

Ri anjo jammanga siagang ri le'ba'na anjo, nia' tau sannaka lompona ngaseng kalenna ri lino. Anjo ke'nanga ana'-ana' battu ri sikamma anjo tulolo a'buntinga siagang rewata-rewataya. Anjo tau lompoa ngaseng kalenna masahoroki niasseng siagang iami pahlawang-pahlawang lompo ri jammang riolo.

2 SAMUEL 21:18

Nakajariammo pole bunduka a'bali tu Filistin ri Gob. Lalanna anjo pa'bundukanga Sibkhai tu Husa ammunoi se're tu lompoa kalenna niarenga Saf.

2 SAMUEL 21:20

Nakajariammo pole bunduka a'bali siagang tu Filistin ri Gat. Anjoreng nia' se're tau lompo kalenna sannaka nangaina a'bunduka. Karemeng limanna siagang karemeng bangkenna ta'annang kabusu'.

2 SAMUEL 21:22

Anjo appaka tau lompoa ngaseng kalenna nibunoa ri Daud siagang pasukanna, sangnging jari-jari tau lompo kalenna ri Gat.

2 SAMUEL 5:18

Battumi tu Filistin ri Ka'bung Refaim siagang naempoi anjo tampaka.

PAMMILANGNGANG 13:22

Uru-uruna a'lampai ke'nanga ri bageang timboranna anjo pa'rasanganga nampa battu mange ri kota Hebron, tampa' napammantangia tu Ahiman, Sesai siagang Talmai, jari-jarina Enak. Anjo kota Hebron tuju taungi le'ba'na nibangung nampa nibangung kota Zoan ri Mesir.

PAMMILANGNGANG 13:28

Mingka pandudu'na anjo pa'rasanganga kassa'-kassa' ngasengi. Kota-kotana ke'nanga lompo-lompo ngasengi siagang ammakei tembo' kalli' pattahangngang. Nampa pole, anjo tau nacinika ikambe anjoreng sangkammai jari-jarina tau lompo tinggia tinggi.

PAOLE 1:28

Jari apa matu-matunta mange anjoreng? Anjo tau nikiringa mange anjoreng napakamalla' maki' lanri nalaporo'na ke'nanga angkana anjo bansa niaka anjoreng la'bi kassakangngangi siagang la'bi baraniangngangi na ikatte, kammayatompa lalangi ke'nanga ammantang ri kota-kota nikallika tembo' kammaya langi' tinggina. Acciniki ke'nanga rassasa anjoreng!’

PAOLE 2:10

Anjo Ar riolo tu Emim ampammantangngi. Lompoi pakkaleanna ke'nanga, sangkammai tu Enak, kamma tongi ke'nanga bansa rassasa.

PAOLE 2:11

Sangkamma tu Enak, anjo ke'nanga nikana tongi tu Refaim; mingka niarengi ke'nanga ri tu Moab: Tu Emim.

PAOLE 2:21

Sangkamma tu Enak anjo ke'nanga lompo tongi pakkaleanna. Teai sipato' kassa'na ke'nanga, siagang teai sipato' jaina. Mingka niancuruki ke'nanga ri Batara, sa'genna nialle ri tu Amon anjo buttaya, nampa ammantang ke'nanga anjoreng.

PAOLE 3:11

Anjo Karaeng Og iami karaeng kala'busanga ri tu Refaim. Patti maya'na iamintu batu nipare'; la'buna appa' metere' na sangkara'na a'biringi rua metere' situru' siagang ukkurang le'baka nipattantu. Sa'genna kamma-kamma anne akkulle iji nicini' ri Raba, kotana tu Amon.)

PAOLE 9:2

Taunna lompo ngasengi pakkaleanna; anjo ke'nanga rapangi rassasa, nampa nulangngere'mi angkanaya tena tau akkulle angngewai ke'nanga.

YOSUA 11:22

Tena manna sitau battu ri bansa Enak ammantang tassesa ri daera Israel; ia mami niaka iamintu niaka ri Gaza, Gat, siagang Asdod.

YOSUA 15:14

Ia jari-jarina Enak iamintu Sesai, Ahiman, siagang Talmai. Nabongka ngasemmi Kaleb anjo ke'nanga battu ri Hebron.

1 SAMUEL 17:7

Panna'galang pokena teai sipato' la'ba'na, siagang mata pokena nia' kira-kira tuju kilo battala'na. Nia' sitau tantara a'jappa ri dallekanna angngerangi pannangkisi'na.