2 SAMUEL 21:14 - KITTA' MATANGKASA'

¹⁴ Nampa nitarawang anjo buku-bukunna Saul siagang Yonatan kammayatompa buku-bukunna anjo tujua tau lalang ri jera'na Kish manggena Saul ri Zela ri daerana suku Benyamin. Ri le'ba'na ngasemmo nigaukang situru' parentana karaenga, niturukiammi pappala' doanna ke'nanga ri Allata'ala untu' anjo pa'rasanganga.

2 SAMUEL 21:14 ပူးပေါင်းရင်းမြစ်များ

2 SAMUEL 21:13

Nierangi anjo buku-bukunna Saul siagang Yonatan battu anjoreng, nampa nipasse're todong buku-bukunna anjo tujua tau le'baka nigentung.

2 SAMUEL 24:25

Le'baki anjo ambangummi Daud tampa' pakkoro'bangngang untu' Batara anjoreng, siagang assaremi koro'bang nitunu kammayatompa koro'bang passiamakkang. Niturukiammi pappala' doanna Daud ri Batara, nampa ammarimo anjo garringa ri Israel.

2 SAMUEL 3:32

Anjorengi ri Hebron nitarawang Abner, nampa karaenga siagang sikontu ra'yaka angngarru' lompoi ri dallekanna anjo jeraka.

2 SAMUEL 4:12

Le'baki anjo naparentakammi Daud mae ri ana' buana untu' ambunoi Rekhab siagang Baana. Le'baki nibuno, nipolommi limanna siagang bangkenna ke'nanga nampa nigentung ri ampi'na balanga. Mingka ulunna Isyboset niallei siagang nitarawangi ri anjo kotaya todong, ilalang ri jera'na Abner.

YUNUS 1:15

Nampa napasambila ke'nanga Yunus antama ri tamparanga. Apaji nammarimo bombanga a'jallo'.

ZAKHARIA 6:8

Nampa akkio' anjo malaekaka mae ri nakke angkana, “Anjo jarang a'lampaya mange ri Babel napanaummi larroNa Batara.”

PAMMILANGNGANG 25:13

Ia siagang jari-jarina Kupattantu salaku imang sa'genna satunggu-tungguna, lanri attojeng-tojenna angngalleangA', Allata'alana, siagang appare'Ma' passiamakkang mae ri dosana tu Israel.”

PAMMILANGNGANG 25:8

nampa naondang anjo bura'nea siagang bainea antama' ri kemaya. Nampa nacoka anjo ruaya tau siagang anjo pokea. Sikali ammarimi anjo balaya ri tangnga-tangngana tu Israel.

YOSUA 7:26

Le'baki anjo natambungimi ke'nanga anjo tampaka siagang batu sannaka jaina, ia niaka ija anjoreng sa'genna anne alloa. Iaminjo saba'na naniarengija anjo tampa' Ka'bung Kasusaang. Nampa naummo larroNa Batara.

1 SAMUEL 10:2

Punna nubokoima' anne alloa, lasibuntulukko siagang rua tu bura'ne ri ampi'na jera'na Rahel ri Zelzah ri daera Benyamin. Lanakana ke'nanga ri kau: Anjo keledai-keledai nuboyaya nibuntulu'mi. Kamma-kamma anne tenamo nalussa' manggenu ri passala'na anjo olo'-oloka, mingka tuli ia mami napakkuta'nangngang angkanaya apamo musti nagaukang untu' amboyako.”