2 SAMUEL 21:12 - KITTA' MATANGKASA'

¹² a'lampami angngallei buku-bukunna Saul siagang Yonatan battu ri pandudu'na kota Yabesh ri Gilead. (Le'baki anjo taua allukkaki anjo buku-bukua battu ri parang kotana Bet-San, iamintu tampa'na tu Filistin anggentungi anjo maya'-mayaka ri le'ba'na nabeta Saul ri Bonto Gilboa.)

2 SAMUEL 21:12 ပူးပေါင်းရင်းမြစ်များ

2 SAMUEL 1:21

He, bulu'-bulu'na Gilboa, pilangngeri pakkiokku: Gassingka nabasaiko saliuka siagang bosia! Lappassangi kalotoro' naroso' kokonnu siagang parannu. Nasaba' anjorengi tassambila pa'lapa' pa'bundukanna tu baranaia. Na taiang tommo pa'lapa' pa'bundukanna Saul, tenamo naniminyaki pole.

2 SAMUEL 1:6

Appialimi angkana, “Sitabang le'baki nia' atanta ri Moncong Gilboa, nanacini' atanta Saul ammanjeng ri pokena, nampa a'reppese'mo kareta-karetana siagang tantara pajaranna musua ero' angkurungi.

2 SAMUEL 2:4

Nampa battumo tu Yehuda mange ri Hebron, na nalanti' Daud a'jari karaeng mae ri tu Yehuda. Nalangngere'na Daud angkanaya le'ba'mi nitarawang maya'na Saul ri tu Yabesh ri Gilead,

2 SAMUEL 21:11

Ri wattunna nipabattuang Daud anjo apa nagaukanga Rizpa

2 SAMUEL 21:13

Nierangi anjo buku-bukunna Saul siagang Yonatan battu anjoreng, nampa nipasse're todong buku-bukunna anjo tujua tau le'baka nigentung.

1 PATTOTTORANG 10:1

A'bunduki tu Filistin siagang tu Israel. Anjorengi ri monconna Gilboa ke'nanga a'bundu'. Jai tu Israel mate anjoreng. Na ia niaka ammantang siagang Karaeng Saul siagang ana'-ana'na larimi.

1 PATTOTTORANG 10:12

a'lampami siapa are tau kaminang barania ri ke'nanga mange angngallei maya'na Saul siagang ana'-ana'na, nampa naerang mange ri Yabesh. Natarawammi ke'nanga anjo mayaka ri tujunna se're poko' kayu lompo. Le'baki anjo appuasami ke'nanga tuju allo sallona.

1 PATTOTTORANG 10:8

Ammukona ri wattunna battu tu Filistin ero' angngalleangi apa-apanna sikamma anjo tau matea, nabuntulu'mi maya'na Saul siagang tallua ana' bura'nena, ia matea ri monconna Gilboa.

YOSUA 17:11

Ilalang ri anjo daerana suku Isakhar siagang suku Asyer nia' buttana suku Manasye, iamintu: Bet-Sean siagang Yibleam kammayatompa desa-desa niaka ri tammulilina. Kammayatompa: Dor (kota niaka ri biring tamparang), En-Dor, Taanakh, Megido siagang desa-desa niaka ri tammulilina.

1 SAMUEL 28:4

Jari ri wattunna a'rappungang tantara Filistin siagang akkema ri ampi'na kota Sunem, napa'rappungang tommi Saul tu Israel, nampa akkema ke'nanga ri Moncong Gilboa.

1 SAMUEL 31:1

Lalanna anjo wattua tu Filistin a'bunduki siagang tu Israel ri pa'moncongang Gilboa. Jai tu Israel mate anjoreng, na maraengannaya, kammayatompa Saul siagang ana'-ana' bura'nena larimi.

1 SAMUEL 31:3

Teai sipato' heba'na bunduka ri ampi'na Saul, na ia nitaba tommi ri panana musua sa'genna sanna'mo loko'na.

1 SAMUEL 31:4

Nakanamo Saul mae ri turungka paerang sanjatana, “Bi'bu'mi antu pa'dannu nampa nutoboka', sollanna tena napare' karek-karenanga' siagang nibunoa' ri anjo tau tenaya naassengi Batara.” Mingka taerokai anjo turungkaya antoboki, lanri sannaki napakala'biri'na Saul. Lanri kammana anjo naallemi kalenna Saul anjo pa'danga nampa napara'ba kalenna naung ri matanna anjo pa'danga.