2 SAMUEL 20:9 - KITTA' MATANGKASA'

⁹ Angkanai Yoab mae ri Amasa, “Antekamma kabaraka gang?” Nampa nata'gala' janggo'na Amasa siagang lima kananna, sangkamma angkanaya eroki ambaui.

2 SAMUEL 20:9 ပူးပေါင်းရင်းမြစ်များ

2 SAMUEL 15:5

Punna nia' tau anreppesi Absalom untu' su'ju' anynyomba ri ia, napajonjomi limanna Absalom, nampa naraka' siagang nabau anjo taua.

2 SAMUEL 17:25

Le'ba'mi naangka' Absalom tu niarenga Amasa a'jari kapala pasukang untu' ansambeangi Yoab. Anjo Amasa ana'na Yitra tu Ismael; amma'na niarengi Abigail ana'na Nahas, iamintu sari'battang bainena Zeruya amma'na Yoab.)

2 SAMUEL 18:29

Akkuta'nammi karaenga angkana, “Apaka salama'ji Absalom?” Appialimi Ahimaas angkana, “O karaeng, sumpaeng ri wattungku nasuro Yoab, nia' kucini' karicuang lompo, mingka takuassengai angkana apa kajariang.”

2 SAMUEL 3:27

Tena nasallo battuna Abner mange ri Hebron, nikio'mi ri Yoab mae ri sa'ri, mae ri ampi'na pakke'bu' lompoa, sangkamma angkanaya nia' rahasia lanabicara. Ti'ring natobo'mi Yoab parru'na Abner sa'genna mate. Kammaminjo namatemo Abner nibuno ri Yoab untu' ambalasaki pammunoanna Abner ri andi'na Yoab iamintu Asael.

1 KARAENG-KARAENG 2:32

Lanihukkungi ri Batara lanri pammunoang le'baka nagaukang nampa tanaassenga manggeku. Abner, perwira tantarana Israel, siagang Amasa perwira tantarana Yehuda, rua-rua tena salana. Bajikangngangi ke'nanga na kalenna Yoab, mingka nabunoi ke'nanga.

PAMMUJI 55:21

Le'ba' belaku nabunduki agang-aganna, nakaluppai janjinna.

PANGNGEBARANG 26:23

Sanrapang uring butta nisapu siagang pera', kammaminjo tau te'nea ri bawana, mingka ja'dalaki atinna.

PANGNGEBARANG 27:6

Aganga natunrungki' siagang pangngamaseang, mingka musua narakakki' siagang racung.

YEREMIA 41:2

Ismael siagang anjo sampuloa tau nabi'bu'mi pa'danna ke'nanga nampa nabuno Gedalya, anjo guburnur niangkaka ri tu Babel.

MIKHA 7:2

Tau lambusuka lanynya'mi battu ri pa'rasanganga, tau majarreka tappa'na mae ri Allata'ala tenamo nibuntulu'. Tunggala' taua massing attayangi kasampatang untu' ammuno. Massing attannangi sikko' untu' paranna tau.

HAKING-HAKING 3:15

Mingka ri wattunna akkio' umma' Israel appala' tulung ri Batara, nisaremi ke'nanga sitau niarenga Ehud, untu' allappassangi ke'nanga. Anjo Ehud tau kairi. Ana'nai Gera, battua ri suku Benyamin. Iami biasa angngantarangi Karaeng Eglon passare mustia nabayara' umma' Israel.