2 SAMUEL 20:22 - KITTA' MATANGKASA'

²² Nampa a'lampa siagang appare' akkala' baji' untu' ampabattui ero'na mae ri pandudu'na anjo kotaya. Le'baki anjo nisamballemi nanialle ulunna Seba nampa nipasambila mae ri Yoab. Nampa napasa'ra tarompe'na Yoab sa'genna nabokoimo ana' buana anjo kotaya nampa ammotere' mae ri massing balla'na. Kammayatompa Yoab ammotere' tommi mange ri Yerusalem andallekang ri karaenga.

2 SAMUEL 20:22 ပူးပေါင်းရင်းမြစ်များ

2 SAMUEL 18:16

Appasa'rami Yoab tarompe' sa'genna ammarimo ana' buana angngondangi pasukang Israel.

2 SAMUEL 18:17

Nampa niangka' maya'na Absalom siagang nipasambila antama' ri bungung lantanga lalang romang. Anjo bungunga natambungi ke'nanga siagang batu sa'genna tinggi. Sikontu pasukang Israel massing naerammi kalenna lari mange ri balla'na.

2 SAMUEL 2:28

Nampa attui'mo tarompe' Yoab salaku pammatei mae ri ana' buana sollanna ammari angngondangi tu Israel. Jari ammarimi anjo pa'bundukanga.

2 SAMUEL 20:1

Ri kota Gilgal nia' sitau apparicu niareng Seba. Anjo taua ana'na Bikri, battu ri suku Benyamin. Ri wattunna battu Daud siagang sikamma tau naaganga a'rurung, appasa'rami tarompe' Seba nampa ammarrang angkana, “Tena passisambunganta siagang Daud. Apa saba'na kilamminawang mae ri ia? He tu Israel, umba kimmotere' ngaseng!”

2 SAMUEL 20:16

Ri anjo kotaya nia' sitau baine baji' akkala', ammenteng irateanna temboka akkiok-kio' angkana, “Pilangngeri! Pilangngeria'! Palaki sollanna battu Yoab mae anrinni; erokka' a'bicara siagang ia.”

KATO'BA 7:19

Kacara'dekanga napa'jari taua poreangngang na sampuloa tukoasa ri se'rea kota.

KATO'BA 8:11

Angngapa nagampang kamma taua anggaukangi kaja'dallanga? Lanri tenana nalinta' nipitabai hukkungang.