2 SAMUEL 20:21 - KITTA' MATANGKASA'

²¹ Mingka nia' sitau niareng Seba, ana'na Bikri, tubattu ri daera monconna Efraim, le'ba' ero' angngewa ri Karaeng Daud. Passareangi anjo taua, kunampa a'lampa battu ri anne kotaya.” Nakanamo anjo bainea, “Ulunna anjo taua lanapasambilai ikambe battu rate ri temboka anne mae ri katte.”

2 SAMUEL 20:21 ပူးပေါင်းရင်းမြစ်များ

2 SAMUEL 20:1

Ri kota Gilgal nia' sitau apparicu niareng Seba. Anjo taua ana'na Bikri, battu ri suku Benyamin. Ri wattunna battu Daud siagang sikamma tau naaganga a'rurung, appasa'rami tarompe' Seba nampa ammarrang angkana, “Tena passisambunganta siagang Daud. Apa saba'na kilamminawang mae ri ia? He tu Israel, umba kimmotere' ngaseng!”

2 SAMUEL 20:2

Nampa a'lampamo anjo tu Israelka ambokoi Daud namminawang ri Seba. Mingka tu Yehuda tulusu' amminawangi ri Daud battu ri Binanga Yordan sa'genna ri Yerusalem.

2 SAMUEL 20:20

Appialimi Yoab angkana, “Tena. Tena sikali nakuero' ampanraki yareka angngancuruki kotanu. Tena nakamma anjo pattujunna ikambe.

2 SAMUEL 23:18

Anjo tallumpuloa perwira masahoroka niareng tongi “Tridasawira”. Nipimpingi ke'nanga ri Abisai andi'na Yoab, ana'na Zeruya. Le'baki ammuno tau tallum bilangngang siagang pokena. Lanri kammana minjo na'jari masahoro'. Mingka tena nala'bi hebakkangngang na “Pa'gompoang Tallua”.

1 KARAENG-KARAENG 11:26

Tau maraenga, ia angngewayai Salomo, iamintu sitau pagawena niarenga Yerobeam. Ia ana'na Nebat battu ri Zereda ri Efraim. Amma'na jandami, niarenga Zerua.

2 KARAENG-KARAENG 10:7

Le'baki natarima ke'nanga anjo sura'na Yehu, nibunomi ri tutoa-toana tau jaia ri kota Samaria anjo tujupuloa ana' cucunna Ahab, nampa nipantama' ulunna ke'nanga ri karanjenga, nampa nikiring mange ri Yehu ri Yizreel.

2 KARAENG-KARAENG 5:22

Appialimi Gehazi angkana, “Kipammopporanga' Bapa', nisuroa' ampauangki' angkanaya silalonna nia' rua na'bi lolo battu ri daera Monconna Efraim. Napalaki bapakku sollanna assareki' 3.000 doe' pera' siagang ruampasang pakeang ga'ga untu' anjo ruaya na'bi.”

YEREMIA 4:15

Appakkaramula battu ri kota Dan, kammayatompa battu ri pa'moncongang Efraim, battumi sikamma tunisuroa angngerang kabara' kodi.

YEREMIA 50:19

LaKupoterangi tu Israel mange ri pa'rasanganna ke'nanga. Langnganrei ke'nanga battu ri wassele' buttana Bulu' Karmel siagang daera Basan. Lanipakabassoroki ke'nanga battu ri wassele' buttana daera Efraim siagang Gilead.

YOSUA 24:33

Nampa mate tommo Eleazar ana'na Harun, na nitarawang ri Gibea, iamintu kota niaka ri daera pa'monconganna Efraim. Anjo kotaya le'ba'mi nipassareang mae ri Pinehas, ana'na Eleazar.

HAKING-HAKING 2:9

Anjorengi ri tampa' kalenna nitarawang. Iamintu ri Timnat-Serah, ri daera monconna Efraim, warakkanna Moncong Gaas.

HAKING-HAKING 7:24

Kammayatompa akkiring tommi kabara' mange ri sikontu daera monconna Efraim, angkana, “Naung ngaseng mako mae ambunduki tu Midian. Jagai Binanga Yordan siagang yangasenna kaloroka sa'genna Bet-Bara bellana. Teako lappassangi tu Midian a'limbang anjoreng.” Jari nipagio' tommi tu Efraim. Nampa najagai ke'nanga Binanga Yordan siagang sikontu kaloroka sa'genna mae ri Bet-Bara bellana.

HAKING-HAKING 9:55

Nacini'na tu Israelka angkana matemi Abimelekh, ammotere' ngasemmi ke'nanga.

1 SAMUEL 24:6

Nakanamo ri ana' buana, “Tapporo Nakatutuia' Batara sollanna tena ku'gau' ja'dala' mae ri karaengku ia le'baka Napile Batara. Manna pole sike'de' takkullei kupa'risi, lanri iami karaeng Napilea Batara!”

1 SAMUEL 26:9

Mingka nakanamo Daud, “Teako apa-apai! Musti Nahukkungi Batara tau a'gau' ja'dalaka mae ri karaeng Napilea.