2 SAMUEL 20:16 - KITTA' MATANGKASA'

¹⁶ Ri anjo kotaya nia' sitau baine baji' akkala', ammenteng irateanna temboka akkiok-kio' angkana, “Pilangngeri! Pilangngeria'! Palaki sollanna battu Yoab mae anrinni; erokka' a'bicara siagang ia.”

2 SAMUEL 20:16 ပူးပေါင်းရင်းမြစ်များ

2 SAMUEL 14:2

lanri kammana anjo assuro allemi sitau baine porea akkala'na niaka ammantang ri Tekoa. Ri wattunna battumo anjo bainea, angkanami Yoab ri ia, “Musti assara-saraiki' kamma tau susa kamateang ibu'; ammakeki' pakeang tau susa kamateang, siagang teaki' ammakei minynya' bau'. Kipare' kammai kalenta baine salloamo angngarru' lanri matenamo tau kingaia.

2 SAMUEL 20:17

Nampa battumo Yoab siagang akkuta'nammi anjo bainea angkana, “Ikatteka Yoab?” Appialimi Yoab angkana, “Iyo.” Nakanamo anjo bainea, “Kipilangngeri anne kanangku.” Appialimi Yoab angkana, “Baji'mi, kupilangngeri apa lanukanaya.”

2 SAMUEL 20:22

Nampa a'lampa siagang appare' akkala' baji' untu' ampabattui ero'na mae ri pandudu'na anjo kotaya. Le'baki anjo nisamballemi nanialle ulunna Seba nampa nipasambila mae ri Yoab. Nampa napasa'ra tarompe'na Yoab sa'genna nabokoimo ana' buana anjo kotaya nampa ammotere' mae ri massing balla'na. Kammayatompa Yoab ammotere' tommi mange ri Yerusalem andallekang ri karaenga.

DANIEL 2:14

Jari mangemi Daniel ri Ariokh, iamintu komandang pangawala'na karaenga, ia tajaiamo ero' anggaukangi anjo hukkungang matea.