2 SAMUEL 20:10 - KITTA' MATANGKASA'

¹⁰ Tanacinikai Amasa angkanaya nia' pa'dang ri lima kairinna Yoab. Ti'ring napacoka Yoab anjo pa'danga antama' ri battanna Amasa, sa'genna assulu'mo bone battanna Amasa naung ri buttaya. Matemi silalonna, sa'genna tenamo naparallu Yoab ancoka poleangi. Nampa napatulusu' lampana Yoab siagang andi'na iamintu Abisai untu' angngondangi Seba.

2 SAMUEL 20:10 ပူးပေါင်းရင်းမြစ်များ

PA'JARIANG 4:8

Nampa nakana Kain mae ri Habel, andi'na, “Umba nakia'lampa mange ri kokoa.” Battui ke'nanga mange anjoreng, nabakkaimi na nabuno anjo andi'na Habel.

2 SAMUEL 2:23

Ri wattu tuli tenana naero' Asael ammantang, ammokemi Abner mae ri boko, nanitabamo battanna Asael sa'genna annarrusu' anjo pokea mae ri dongko'na. Anra'bami siagang matemi Asael anjoreng memang ri tampaka. Sikontu tau battua mae ri anjo tampa' napammonrangia, ammantang ngasengi anjoreng.

2 SAMUEL 20:9

Angkanai Yoab mae ri Amasa, “Antekamma kabaraka gang?” Nampa nata'gala' janggo'na Amasa siagang lima kananna, sangkamma angkanaya eroki ambaui.

2 SAMUEL 3:27

Tena nasallo battuna Abner mange ri Hebron, nikio'mi ri Yoab mae ri sa'ri, mae ri ampi'na pakke'bu' lompoa, sangkamma angkanaya nia' rahasia lanabicara. Ti'ring natobo'mi Yoab parru'na Abner sa'genna mate. Kammaminjo namatemo Abner nibuno ri Yoab untu' ambalasaki pammunoanna Abner ri andi'na Yoab iamintu Asael.

1 PATTOTTORANG 12:2

Anjo ke'nanga tu battu ri suku Benyamin sangkammaya Saul. Cara'deki ke'nanga ammake sanjata pana siagang anynyambila – lima kananna siagang lima kairinna cara'de' ngaseng.

YEREMIA 41:2

Ismael siagang anjo sampuloa tau nabi'bu'mi pa'danna ke'nanga nampa nabuno Gedalya, anjo guburnur niangkaka ri tu Babel.

PAMMILANGNGANG 35:20

Punna nia' tau angkabirisi paranna tau, nampa napatappasaki na nabuno yareka nasambilai apa-apa namate,

HAKING-HAKING 3:15

Mingka ri wattunna akkio' umma' Israel appala' tulung ri Batara, nisaremi ke'nanga sitau niarenga Ehud, untu' allappassangi ke'nanga. Anjo Ehud tau kairi. Ana'nai Gera, battua ri suku Benyamin. Iami biasa angngantarangi Karaeng Eglon passare mustia nabayara' umma' Israel.

HAKING-HAKING 3:21

Na nabi'bu'mo silalonna pa'danna Ehud siagang lima kairinna battu ri sa'ri kananna. Nampa napatobo' lantang antama' ri battanna anjo karaenga. Naanjo pa'danga manna pangngulunna tallang ngasengi sa'genna antama' ri parru' jannana anjo karaenga. Annarrusuki sa'genna mae ri boko anjo pa'danga. Nalappassammi Ehud ammantang anjo pa'danga anjoreng.

1 SAMUEL 26:8

Nakanamo Abisai ri Daud, “Napassareammi Allata'ala musunnu anne bangngia mae ri kau. Pa'biamma' nakupokei siagang poke kalenna sa'genna attimbusu' naung ri buttaya, sikalimo bawang kucoka, teami napinruang!”