2 SAMUEL 2:4 - KITTA' MATANGKASA'

⁴ Nampa battumo tu Yehuda mange ri Hebron, na nalanti' Daud a'jari karaeng mae ri tu Yehuda. Nalangngere'na Daud angkanaya le'ba'mi nitarawang maya'na Saul ri tu Yabesh ri Gilead,

2 SAMUEL 2:4 ပူးပေါင်းရင်းမြစ်များ

2 SAMUEL 19:11

Anjo kana-kana kammaya ta'rapi' tommi mae ri Karaeng Daud. Lanri kammana anjo nasuromi Imang Zadok siagang Imang Abyatar mange ampakkuta'nangngangi mae ri sikamma pamimpinna Yehuda angkana, “Angngapa nu'jari kaminang kala'busang untu' anruppai siagang anrurungangi ammotere' karaenga mange ri balla' kakaraenganna?

2 SAMUEL 19:42

Nampa appialimi tu Yehuda angkana, “Tantumi, nasaba' anjo karaenga sibijai siagang ikambe. Angngapa nu'jari larro ngaseng? Apaka nukana natanggongi karaenga kaparalluanna ikambe, yareka nukana nisarei ikambe hadia?”

2 SAMUEL 2:11

siagang ammarentammi Daud ri Hebron mae ri tu Yehuda tuju sitangnga taung sallona.

2 SAMUEL 2:7

Pakasa'baraki pa'mai'nu siagang gaukangi gau' kabaranianga! Saul, karaennu matemi, mingka le'ba'ma' nalanti' tu Yehuda a'jari karaenna ke'nanga.”

2 SAMUEL 21:11

Ri wattunna nipabattuang Daud anjo apa nagaukanga Rizpa

2 SAMUEL 21:12

a'lampami angngallei buku-bukunna Saul siagang Yonatan battu ri pandudu'na kota Yabesh ri Gilead. (Le'baki anjo taua allukkaki anjo buku-bukua battu ri parang kotana Bet-San, iamintu tampa'na tu Filistin anggentungi anjo maya'-mayaka ri le'ba'na nabeta Saul ri Bonto Gilboa.)

2 SAMUEL 5:17

Ri wattunna nalangngere' tu Filistin angkanaya nipa'jari karaemmi Daud ri Israel, battumi ke'nanga ero' anjakkalaki. Mingka nalangngereki Daud anjo passalaka, nampa a'lampa mange ri pattahangnganga.

2 SAMUEL 5:3

Appare'mi parjanjiang Daud siagang anjo pamimping-pamimpinna tu Israel, nampa nilanti' ri ke'nanga a'jari karaeng mae ri Israel.

2 SAMUEL 5:5

Tuju sitangnga taung ammarenta ri Hebron mae ri Yehuda, siagang tallumpulo antallu taung ammarenta ri Yerusalem mae ri sikontu Israel siagang Yehuda.

2 KARAENG-KARAENG 11:12

Le'baki anjo nierammi Yoas assulu' ri Yoyada, nampa napataba ri ulunna Yoas songko' kakaraenganga, siagang napassareang mae ri ia kitta' HukkunNa Allata'ala. Nilanti'mi Yoas a'jari karaeng, nampa nipa'la'bang anjo passalaka mae ri sikontu ra'yaka. Attempa lima kabusu'mi ke'nanga siagang akkio' rannu angkana, “La'bui umuru'na karaenga!”

1 PATTOTTORANG 10:11

Ri wattunna nalangngere' pandudu'na Yabesh ri Gilead anjo apa le'baka nagaukang tu Filistin mae ri Saul,

1 PATTOTTORANG 11:3

Jari appare'mi parjanjiang Daud siagang anjo pamimping-pamimpinna Israel. Nampa nalanti'mo ke'nanga Daud a'jari karaenna Israel sangkamma le'baka Napa'janjiang Batara tete ri Samuel.

1 PATTOTTORANG 12:23

Ri wattunna nia' Daud ri Hebron, jai pejuang le'baka nilati a'gabung siagang Daud. Nabantumi ke'nanga Daud sollanna akkulle a'jari karaeng assambeangi Saul, situru' janjinNa Batara. Ia jaina ke'nanga, iamintu: Battu ri suku Yehuda: 6.800 tau, langka' siagang poke na pa'lapa' barambang. Battu ri suku Simeon: 7.100 tau le'baka nilati. Battu ri suku Lewi: 4.600 tau. Ana' buana Yoyada pamimping battua ri turunganna Harun: 3.700 tau. Bija pammanakanna Zadok, iamintu sitau pejuang rungka barania: 22 tau, yangasenna kapala kaluarga. Battu ri suku Benyamin (sukuna Karaeng Saul): 3.000 tau; jaiangangi suku Benyamin tamaminrayai mae ri Saul. Battu ri suku Efraim: 20.800 tau masahoroka lalang ri massing-massing bijanna. Battu ri suku Manasye niaka ri laukanna Binanga Yordan: 18.000 tau, ia nijo'joka untu' allantiki Daud a'jari karaeng. Battu ri suku Isakhar: 200 pamimping siagang ana' buana ke'nanga; anne pamimping-pamimpinga cara'deki ampattantui apa mustia nagaukang bansa Israel ri wattu bajika. Battu ri suku Zebulon: 50.000 tau, ia cara'deka ampakei sangka' rupaya sanjata, siagang tuli sadiaya untu' a'bundu'; iami ke'nanga kaminang tamamminraya siagang kaminang nipatappaka. Battu ri suku Naftali: 1.000 pamimping siagang 37.000 tantara kompeleka siagang poke na pa'lapa' barambang. Battu ri suku Dan: 28.600 tau le'baka nilati. Battu ri suku Asyer: 40.000 tau, ia sadiaya untu' a'bundu'. Battu ri suku-suku niaka ri bageang rayanganna Binanga Yordan, iamintu Ruben, Gad, siagang sipa'gang suku Manasye: 120.000 tau, ia cara'deka ammake sangka' rupa sanjata.

1 SAMUEL 16:13

Angngallemi linta' Samuel minynya' zaitun nampa naminynyaki Daud ri dallekanna sikamma daenna ngaseng. Anjo wattua nikoasai memammi Daud ri RohNa Batara. Appakkaramula anjo alloa siagang situlusu'na nirurungammi ri RohNa Batara. Nampa ammotere'mo Samuel mange ri Rama.