2 SAMUEL 2:32 - KITTA' MATANGKASA'

³² Le'baki anjo naangka'mi Yoab siagang ana' buana anjo maya'na Asael nampa natarawang lalang ri jera' kaluargana ri Betlehem. Nampa a'jappa ke'nanga sipattang bujuru' sa'genna battu mange ri Hebron ri wattu subu-subua.

2 SAMUEL 2:32 ပူးပေါင်းရင်းမြစ်များ

PA'JARIANG 47:29

Ri wattunna la'birimmo narapi' a'jala'na, nakio'mi anjo ana'na Yusuf, nampa nakana ri ia, “Padongkoki limannu anrinni ri alla'na bonggangku, nampa assumpamako angkanaya tena nalanutarawanga' anrinni ri Mesir.

PA'JARIANG 47:30

Erokka' nitarawang ri tampa'na boe-boeku; erangi mayakku battu anrinni ri pa'rasanganga nampa nueranga' mange nutarawang ri pa'jerakkanna ke'nanga.” Appialimi Yusuf angkana, “Iye', lakugaukammi antu kananta bapa'.”

2 SAMUEL 2:31

Ana' buana Daud nia' 360 tau pasukanna Abner battu ri suku Benyamin nabuno ke'nanga.

2 SAMUEL 5:1

Le'baki anjo battu ngasemmi sikontu pamimping-pamimpinna suku-suku Israel mange ri Daud ri Hebron siagang angkana ke'nanga ri ia, “Ikambe anne bija ma'reppesettaki' karaeng.

2 PATTOTTORANG 16:14

Nisarei rampa-rampa maya'na iamintu rampa-rampa mabau', nampa nitarawang ri pa'jerakkanna sikamma karaenga ri Kota Daud. Nampa untu' tanra pappakalompo mae ri ia, apparinrai pepe' sannaka lompona ra'yaka.

2 PATTOTTORANG 21:1

Matemi Yosafat na nitarawang ri pa'jerakkanna sikamma karaenga ri Kota Daud. Nampa ana' bura'nena niarenga Yehoram ansambeangi a'jari karaeng.

PANGNGEBARANG 22:29

Le'bakko anciniki tau cara'deka anggaukangi jama-jamanna? Anjo taua lanisarei jama-jamang ri balla' lompona sikamma karaenga, teai balla' biasaya.

HAKING-HAKING 8:32

Ri wattu toa dudunamo umuru'na nampami mate Gideon. Anjorengi ri jera'na Yoas, iamintu jera'na manggena, nitarawang. Anjo jeraka anjorengi ri Ofra tampa'na, iamintu ri kotana tu Abiezer.

1 SAMUEL 17:58

Akkuta'nammi Saul ri ia angkana, “E turungka, inaiko antu?” Appialimi Daud angkana, “Anne atanta ana'nai Isai battu ri Betlehem.”