2 SAMUEL 2:28 - KITTA' MATANGKASA'

²⁸ Nampa attui'mo tarompe' Yoab salaku pammatei mae ri ana' buana sollanna ammari angngondangi tu Israel. Jari ammarimi anjo pa'bundukanga.

2 SAMUEL 2:28 ပူးပေါင်းရင်းမြစ်များ

2 SAMUEL 18:16

Appasa'rami Yoab tarompe' sa'genna ammarimo ana' buana angngondangi pasukang Israel.

2 SAMUEL 2:27

Appialimi Yoab angkana, “Lanri Allata'ala mattallasaka, ebara' angkana tena nuppakkaramula a'bicara, ma'nassa tulusu' lanaondannu ana' buaku sa'genna ammuko bari'basa'.”

2 SAMUEL 20:22

Nampa a'lampa siagang appare' akkala' baji' untu' ampabattui ero'na mae ri pandudu'na anjo kotaya. Le'baki anjo nisamballemi nanialle ulunna Seba nampa nipasambila mae ri Yoab. Nampa napasa'ra tarompe'na Yoab sa'genna nabokoimo ana' buana anjo kotaya nampa ammotere' mae ri massing balla'na. Kammayatompa Yoab ammotere' tommi mange ri Yerusalem andallekang ri karaenga.

2 SAMUEL 3:1

Anjo pa'bundukanga battu ri tumminawanga ri kaluargana Saul a'bali tau amminawanga ri Daud tena nammari-mari. Pila' kassaki Daud, nampa balinna pila' lammai.

1 SAMUEL 13:3

Nampa Yonatan nabunomi panglimana tu Filistin niaka ri Geba, na nalangngere'mo bansa Filistin kabara'na anjo. Nasuro pasa'rami Saul tarompeka ri sikontu pa'rasangang untu' angkioki tu Ibrania sollanna maju mange a'bundu'.