2 SAMUEL 19:8 - KITTA' MATANGKASA'

⁸ Nampa ammentemmo nai' karaenga, siagang ammempomi ri ampi'na pakke'bu' lompoa. Nalangngere'mi ana' buana angkana niaki anjoreng. Jari battu kabusu'mi ke'nanga andallekang. Lalang anjo wattua sikontu pasukang Israel naerammi lari kalenna, siagang massing ammotere'mi mange ri balla'na.

2 SAMUEL 19:8 ပူးပေါင်းရင်းမြစ်များ

2 SAMUEL 15:2

Tunggala' alloi Absalom ambangung bari'basa' nampa ammenteng ri biring aganga ri ampi'na pakke'bu' lompona balla' kakaraenganga. Tunggala' tau eroka ampabattui parkarana mae ri karaenga, nakio' kabusuki siagang nikuta'nangi ri Absalom angkana, “Battu ri suku kemaeko?” Na punna appiali anjo taua angkana, “Battu ri suku anne yareka anjo,”

2 SAMUEL 18:17

Nampa niangka' maya'na Absalom siagang nipasambila antama' ri bungung lantanga lalang romang. Anjo bungunga natambungi ke'nanga siagang batu sa'genna tinggi. Sikontu pasukang Israel massing naerammi kalenna lari mange ri balla'na.

2 SAMUEL 18:24

Sitabangi Daud ammempo lalang ri kamara' alla'na pakke'bu' lompo lalanna kotaya siagang pakke'bu' lompo pantaranna. Naiki pajagaya ri temboka nampa ammenteng ri pattongko'na anjo pakke'bu' lompoa. Ri wattunna accini' bella', nia'mo se're tau nacini' lari battu mae.

2 SAMUEL 18:4

Nampa nakanamo karaenga, “Baji'mi, battu ri kau mami padeng.” Nampa ammenteng ri sa'ri pakke'bu' lompona kotaya, na sikontu pasukanga a'barrisiki assulu' lalang siapa are pa'gompoang; nia' tassisa'bu tau, nia' tassibilangngang tau.

2 SAMUEL 19:3

A'mere'-merekimi ke'nanga ammotere' mange ri kotaya, rapang tantara siri'-sirika lanri lari battu ri pa'bundukanga.

1 KARAENG-KARAENG 22:36

La'birinnamo labu alloa, niparentakammi sikontu pasukang Israel ammotere' ri kotaya siagang massing mange ri daerana,

2 KARAENG-KARAENG 14:12

Nibetai tantara Yehuda siagang larimi sikontu tantarana ammotere' massing mae ri balla'na.

2 KARAENG-KARAENG 8:21

Lanri kammana anjo, assulu'mi Yehoram siagang sikontu kareta bundu'na a'lampa mange ri Zair. Anjoreng nikurummi ri pasukang Edom, mingka ri wattuna bangngi ia siagang sikamma panglima tantarana akkullei ta'lappasa' assulu', nampa sikamma tantarana ke'nanga larimi ammotere' massing mange ri balla'na.

1 SAMUEL 4:10

Nampa a'bundu' heba'mo tu Filistin sa'genna nabeta tantarana tu Israel. Larimi tu Israel mange ri massing kemana ke'nanga. Ma'nassa nibeta lompo tojengi tu Israel: Tallumpulomi sa'bu tantara tu Israel mate.