2 SAMUEL 19:5 - KITTA' MATANGKASA'

⁵ A'lampami Yoab mange andallekang ri karaenga na nakana, “Anne alloa kipakasiriki ana' buata karaeng, nampa ke'nangami le'ba' ampasalamaki nyawata, nyawana ana'-ana' baineta siagang ana'-ana' bura'neta, bainenta siagang sikamma baine piarata.

2 SAMUEL 19:5 ပူးပေါင်းရင်းမြစ်များ

2 SAMUEL 15:30

Le'baki anjo nasungkemi sapatuna Daud. Angngambi'mi nai' ri Bonto Zaitun siagang sikontu tumminawanna, angngarru' nabongong ulunna pammatei kasusaanna.

2 SAMUEL 18:17

Nampa niangka' maya'na Absalom siagang nipasambila antama' ri bungung lantanga lalang romang. Anjo bungunga natambungi ke'nanga siagang batu sa'genna tinggi. Sikontu pasukang Israel massing naerammi kalenna lari mange ri balla'na.

2 SAMUEL 19:13

Nasuro tommi Daud ke'nanga ampaui mae ri Amasa kammaya anne, “Sai ikau sibijaki'? Appakkaramula kamma-kamma anne kuangkakko a'jari panglima tantaraku ansambeangi Yoab. Poro Nabuno laloa' Allata'ala punna tena nakurupai anjo kanangku!”

2 SAMUEL 19:4

Natongkoki karaenga rupanna siagang angngarru' lompomi, angkana, “O, anakku! Anakku Absalom! Absalom anakku!”

2 SAMUEL 19:6

Kikamaseangi tau angkabirisiaki' mingka kikabirisi tau angkamaseangaki'! A'nassami kipappicinikang angkanaya sikamma perwirata siagang sikamma tantarata tena sikali anggaranna mae ri katte. Ba'lalo kammai nicini' angkanaya sannangi nyawata ebara' angkana anne alloa attallasa' iji Absalom nampa mate ngaseng anne ikambe!

2 SAMUEL 3:39

Manna inakke anne nipilea' ri Allata'ala a'jari karaeng, mingka kamma-kamma anne tena kusa'ring kagassingangku. Anjo ana'-ana'na Zeruya teai sipato' palla'na. Takukulleai kukoasai ke'nanga. Dasi-dasi nanihukkung ri Karaeng Allata'ala anjo ke'nanga tau ja'dalaka, situru' panggaukanna ke'nanga.”

NEHEMIA 9:27

Jari Kipassareammi ke'nanga mae ri musunna sekkeka angkoasai siagang anjallakkangi ke'nanga. Mingka lalang nijallakkanna lalang kasusaang, akkio'mi ke'nanga appala' bantuang. Mappilangngeri maKi' battu ri suruga; sanna' mangngamaseanTa nakipiali. Kipabattui pamimping siagang pahlawang allappassangai ke'nanga battu ri musu.

PAMMUJI 3:8

Kipasalamaka', o Batara Allata'alaku, hukkungi naKipesoki sikontu balingku.