2 SAMUEL 19:39 - KITTA' MATANGKASA'

³⁹ Nampa a'limbammo Daud siagang sikontu ana' buana ri Binanga Yordan. Nampa nabau Daud anjo lapung Barzilai siagang appala' kana mae ri ia. Le'baki anjo ammotere'mi Barzilai mange ri balla'na.

2 SAMUEL 19:39 ပူးပေါင်းရင်းမြစ်များ

PA'JARIANG 14:19

nampa nabarakkaki Abram nakana, “Poro Allata'ala Kaminang Tinggia, ampa'jariai langika siagang buttaya, ambarakkakiko Abram!

PA'JARIANG 28:3

Poro Allata'ala Kaminang Koasaya ambarakkaki pa'buntingannu siagang nasareko jai ana'-cucu, sa'gennu a'jari boena jaia bansa!

PA'JARIANG 31:55

Ammukona bari'basa', lassibokoinna ke'nanga, nabaumi Laban cucunna, nabarakkaki ke'nanga, nampa ammotere' mange ri tampa' pammantanganna.

PA'JARIANG 45:15

Nampa lalang angngarru'na ija Yusuf, naraka' ngasemmi sikamma sari'battanna nampa nabau ke'nanga. Le'baki anjo accaritami siagang ke'nanga.

PA'JARIANG 47:10

Le'baki anjo appala' kanami Yakub nampa assare barakka' passibokoi.

PA'JARIANG 47:7

Napappiassengang tommi Yusuf anjo manggena mae ri karaenga. Nabarakkakimi Yakub anjo karaenga.

2 SAMUEL 13:25

Mingka appialimi karaenga angkana, “Teako na', nasaba' punna battu ngasengi ikambe, lanisusaijako.” Tulusu' napala' dudumi Absalom mingka tuli tena naero' battu manggena. Nasareji bawang pangngellai.

2 SAMUEL 14:33

Nampa a'lampamo Yoab mange andallekang ri Karaeng Daud siagang napabattumi pappala'na Absalom. Nakio'mi karaenga Absalom, siagang battumi Absalom su'ju' ri dallekanna karaenga. Siagang niruppaimi nibau ri karaenga.

2 SAMUEL 19:38

Appialimi karaenga angkana, “Lakuerangi Kimham, siagang lakuparakai situru' apa nukaerokia, kammayatompa sikontu apa nupalaka mae ri nakke lakuturukiangko.”

2 SAMUEL 6:18

Nampa Nabarakkaki sikontu ra'ya' Israel lalang arenNa Batara Kaminang Koasaya.

2 SAMUEL 6:20

Ri wattunna ammotere' Daud mange ri balla' kakaraenganga untu' assarei sallang kaluargana, assuluki Mikhal anruppai Daud na nakana, “Anne alloa ma'nassa napakala'biri' tojeng-tojengi kalenna karaenna tu Israel! Assolaraki sangkamma tau tolo tenaya nangngasseng siri'-siri', ri dallekanna ngaseng ata-ata bainena sikamma pagawena balla' kakaraenganga!”

1 KARAENG-KARAENG 19:20

Jari nabokoimi sapina Elisa nampa lari angngondangi Elia, siagang nakana, “Kipa'bianga' rolong mange appala' kana ri tau toaku, nampa kulamminawang ri katte.” Appialimi Elia angkana, “Baji'mi, mange mako; tena nakupisangkaiko.”

PAMMILANGNGANG 24:25

Nampa apparurumo Bileam untu' ammotere' mange ri pammantanganna. Kammayatompa Balak a'lampa tommi.

LUKAS 2:34

Nabarakkakimi Simeon ke'nanga; siagang nakana ri Maria, “Le'ba'mi nipile ri Allata'ala anne anaka untu' anghukkungi siagang untu' appasalama' jai tu Israel. La'jari pannanrai battu ri Allata'ala, lanibaliangi ri tau jaia,

LAMPA-LAMPANA 20:37

Angngarru' ngasemmi ke'nanga siagang naraka'mi Paulus nampa nalappassang na napasalama' a'lampa Paulus.

1 TESALONIKA 5:26

Massing sibarisallangko para ikau ngaseng, assiamakko nusikarimangngi salaku tu Karisteng.

RUT 1:14

Angngarru' lompomi Rut siagang Orpa. Nampa appala' kanamo Orpa nanabau matoanna, nampa ammotere'. Mingka Rut taerokai sisa'la' siagang matoanna.

1 SAMUEL 24:22

Nampa assumpamo Daud lanagaukang anjo passalaka. Nampa ammotere'mo Saul mange ri balla'na, kammayatompa Daud siagang ana' buana ammotere' tommi battu ri paccokkoanna.