2 SAMUEL 19:36 - KITTA' MATANGKASA'

³⁶ Tena nasiratang atanta annarima passare lompo kammaya anjo. Poro ero' mami atanta anrurungangki' pirang dakka are battu ri ba'leanna Binanga Yordan.

2 SAMUEL 19:36 ပူးပေါင်းရင်းမြစ်များ

2 SAMUEL 19:35

Sagantujupulo taummi umuru'na atanta, siagang tena akkulle lanakasannangngang atanta. Tenamo nakkulle nakasia' baji' apa nakanrea siagang apa nainunga atanta, kammayatompa takkulleami nalangngere' atanta sa'ranna tau akkelonga. Poro ikatteji bawang lakubattalli karaeng.

2 SAMUEL 19:37

Le'baki anjo, boli'mi kamma nakilappassang atanta ammotere' ri balla' nampa mate atanta ri ampi' jera'na tau toana atanta. Mingka anne ana'na atanta Kimham, kipa'biammi anrurungangki' karaeng siagang kigaukammi apa kikanaya baji' mae ri kalenna.”

PAMMUJI 90:10

Wattu tallasa'na ikambe poro tujupulo taunji bawang, punna gassing ikambe, sagantujupulo taung. Mingka kasukkarrang siagang kapa'risang bawang nagappa ikambe; le'baki attallasa' poro sinampe', allanynya'mi ikambe.

KATO'BA 12:1

U'rangi Ampa'jariako ri wattu rungkanu ija, ri tenanapa nabattu taung-taung jai sessa. Anjo wattua lanukanai, “Tena namate'ne tallasakku.”

LUKAS 6:38

Assareko ri parannu tau, sollanna Nasare tongko Allata'ala; lanisareko sanna' jaina la'bina, ri pa'baku' le'baka nibaku' sannaka rassina. Nasaba' pa'baku' apa nupake ambakuki parannu tau, ia todong minjo pa'bakuka laNapake Allata'ala ambakukko.”