2 SAMUEL 19:35 - KITTA' MATANGKASA'

³⁵ Sagantujupulo taummi umuru'na atanta, siagang tena akkulle lanakasannangngang atanta. Tenamo nakkulle nakasia' baji' apa nakanrea siagang apa nainunga atanta, kammayatompa takkulleami nalangngere' atanta sa'ranna tau akkelonga. Poro ikatteji bawang lakubattalli karaeng.

2 SAMUEL 19:35 ပူးပေါင်းရင်းမြစ်များ

2 SAMUEL 13:25

Mingka appialimi karaenga angkana, “Teako na', nasaba' punna battu ngasengi ikambe, lanisusaijako.” Tulusu' napala' dudumi Absalom mingka tuli tena naero' battu manggena. Nasareji bawang pangngellai.

2 SAMUEL 15:33

Nakanamo Daud ri ia, “Punna amminawangko ri nakke, la'jari kabattallangko mae ri kalengku.

2 SAMUEL 19:36

Tena nasiratang atanta annarima passare lompo kammaya anjo. Poro ero' mami atanta anrurungangki' pirang dakka are battu ri ba'leanna Binanga Yordan.

AYUB 12:11

Sangkamma lilaku nangai nakasia' kanre nyamanga, kammaminjo tolingku nangai mappilangngeria kana-kana.

AYUB 6:30

Maka nukapanga' a'balle-balle, takkullea angngassengi sisalana bajika siagang nicallaya?

PAMMUJI 90:10

Wattu tallasa'na ikambe poro tujupulo taunji bawang, punna gassing ikambe, sagantujupulo taung. Mingka kasukkarrang siagang kapa'risang bawang nagappa ikambe; le'baki attallasa' poro sinampe', allanynya'mi ikambe.

KALAPPASSANG 12:4

Punna sike'de' duduji anggota kaluargana, natakkullea napila'busi anjo sikayua ana' gimbala', anjo kaluargaya akkullei siagang siampi' balla'na angkanrei anjo ana' gimbalaka. Anjo gimbalaka musti nibagei situru' jaina tau langnganrea.

KALAPPASSANG 2:8

Appialimi anjo ana' bainena karaenga angkana, “Baji'mi.” A'lampami anjo tuloloa angkioki amma' kalenna.

KATO'BA 2:8

Appasse'rea' pera' siagang bulaeng, iamintu battua ri passarena sikamma karaeng bansa maraeng kuparentaya. Pakelong bura'ne siagang pakelong baine akkelong-kelongi untu' ampakasannangi nyawaku. Nia' baine piaraku sa'genna siapa kukaerokia.

IBRANI 5:14

Anjo kanre terasaka untu' tau toaya; nasaba' lanri nia'namo pangalamanna akkullemi naasseng angkana kereanga baji' siagang kereanga kodi.

1 PETRUS 2:3

Nia' tattulisi' lalang ri Kittaka angkanaya, “Le'ba'mi massing nukasia' ri kalennu, antekamma baji'na Batara.”