2 SAMUEL 19:30 - KITTA' MATANGKASA'

³⁰ Nampa appialimo Mefiboset angkana, “Boli'mi kamma nanaalle kabusu' Ziba. Sukku'mi rannuna pakkasia'na atanta lanri kisurona atanta ammotere' siagang salama' karaeng.”

2 SAMUEL 19:30 ပူးပေါင်းရင်းမြစ်များ

2 SAMUEL 1:26

He, Yonatan sari'battangku, paccei nyawaku, lanri lompona anggarannu mae ri kalengku. Pangngamaseannu mae ri nakke tamaka la'biri'na ba'lalo la'bi na pangngamaseanna tu bainea.

2 SAMUEL 19:18

Nabantumi kaluargana karaenga a'limbang kammayatompa nagaukammi ke'nanga sikontu apa napassuroanga karaenga mae ri ke'nanga. Ri wattunna ero' karaenga a'limbang ri binangaya, su'ju'mi Simei ri dallekanna siagang nakana,

2 SAMUEL 19:29

Appialimi karaenga angkana, “Tenamo nukkulle akkana-kana pole. Le'ba'mi kupattantu untu' assare kabusukko siagang Ziba sikontu barang-baranna Saul.”

2 SAMUEL 19:31

Kammayatompa Barzilai anjo tu Gileadka, nia' tongi battu ri Rogelim untu' anrurungangi karaenga a'limbang ri Binanga Yordan.

2 SAMUEL 9:9

Nampa nakio'mo karaenga Ziba iamintu atanna Saul, na nakana, “Sikontu apa nabokoia Saul siagang kaluargana kupassareangi mae ri anne cucunna karaennu.

LAMPA-LAMPANA 20:24

Mingka takujampangiai anne tallasakku, assala' akkulle mamo kupa'le'ba' anjo tugasa' Napassareanga Batara Isa mae ri nakke; kammayatompa assala' akkullea' jarre' sa'genna kala'busang tallasakku ampa'la'bangi Kabara' Bajika, iamintu ri passala'na pangngamaseanNa Allata'ala.

FILIPI 1:20

Iaji kukaerokia siagang kuminasaia, iamintu: tapporo tena sikali laloja nakusia-sia lalang ri jama-jamangku. Mingka tuli ma'minasaku, la'biangampa ri kamma-kammaya anne, sollanna akkulle a'jari barani nyawaku siagang batangkalengku – baji' na ri wattu attallasakku yareka ri wattu mateku – kupakala'biriki Almasi.