2 SAMUEL 19:24 - KITTA' MATANGKASA'

²⁴ Kammayatompa Mefiboset cucunna Saul, battu tongi untu' anruppai karaenga. Tena nanabissai bangkenna, tena nanacukkuruki janggo'na, siagang tena nanasassai pakeanna baku'na nabokoi Karaeng Daud Yerusalem sa'genna ammotere' siagang salama'.

2 SAMUEL 19:24 ပူးပေါင်းရင်းမြစ်များ

2 SAMUEL 12:20

Jari ambangummi nai' Daud battu ri daparaka, nampa a'je'ne' siagang najangkai baji' uu'na, kammayatompa nasambei pakeanna. Le'baki anjo a'lampami assambayang ri Balla'Na Batara. Le'baki anjo ammotere'mi mae ri balla' kakaraenganga, siagang assuro patalami kanre, nampa angnganre.

2 SAMUEL 15:30

Le'baki anjo nasungkemi sapatuna Daud. Angngambi'mi nai' ri Bonto Zaitun siagang sikontu tumminawanna, angngarru' nabongong ulunna pammatei kasusaanna.

2 SAMUEL 16:3

Nampa akkuta'nammo karaenga ri ia angkana, “Kemae Mefiboset cucunna karaennu Saul?” Appialimi Ziba angkana, “Tuli nia'na ri Yerusalem, lanri tappaki angkanaya kamma-kamma anne lanapoterangi tu Israel kakaraenganna toana iamintu Saul mae ri ia.”

2 SAMUEL 9:11

Appialimi Ziba ri karaenga angkana, “Sikontu parentata karaeng lanagaukangi atanta.” Jari sipangnganreammi Mefiboset siagang karaenga, sangkamma ana' bura'ne kalenna Karaeng Daud.

1 KARAENG-KARAENG 2:8

Ri passala'na Simei ana'na Gera battu ri kota Bahurim ri daera Benyamin, nia' todong pasangku mae ri kau. Lalang a'jappaku mange ri Mahanaim, iaminjo Simei pirangalloang sanna' palla'na ampakkanaia' siagang antunra'. Mingka ri boko, ri wattunna battu anruppaia' ri Binanga Yordan, assumpama' mae ri ia lanri Batara angkanaya tena nalakubunoi.

KALAPPASSANG 19:10

Kamma-kamma anne buntulimi ke'nanga, siagang suromi ke'nanga anne alloa siagang ammuko ampasadiai kalenna untu' anggaukangi ibadana. Musti nasassai pakeanna ke'nanga.

YESAYA 15:2

Pandudu'na Dibon angngambiki nai' ri buluka untu' mange angngarru' ri tampa' panynyombanga ri rewata-rewataya. Pandudu'na Moab si'nami angkarruki kota Nebo siagang Medeba. Nacukkuruki uu'na siagang janggo'na tanra susana ke'nanga.

YEREMIA 41:5

nia'mo tau sagantujupulo battu ri Sikhem, Silo, siagang Samaria. Le'baki nacukkuru' janggo'na ke'nanga, nakae-kae pakeanna, siagang nakere'-kere' kalenna ke'nanga. Angngerangi ke'nanga gandung siagang kamanynyang untu' napassareang ri Balla'Na Batara.

MATIUS 6:16

“Punna appuasako, teako pinra-pinrai tanja'nu a'jari susa, kamma tau munapeka. Anjo tau munapeka nangai napinra-pinra tanja'na a'jari kamma tau susa punna appuasai, lanri ero'na niasseng ri taua angkanaya appuasai. U'rangi angkanaya ia tommi anjo pahalana ke'nanga punna niassemmo ri taua angkanaya appuasai. Pantaranganna anjo tenamo nalanggappa pahala maraeng ke'nanga.

ROMA 12:15

Amminawangko rannu siagang tau rannua; siagang amminawang tongko angngarru' siagang tau angngarruka.

IBRANI 13:3

U'rangi tau niaka lalang ri tarungkua, sanrapang angkana nia' tongko lalang ri tarungkua siagang ke'nanga. Kammayatompa u'rangi tongi tau nigau' takamma-kammaya, sanrapang angkana ikau nipakamma tongko anjo.