2 SAMUEL 19:20 - KITTA' MATANGKASA'

²⁰ Kamma-kamma anne sadara'mi atanta, angkanaya dorakai atanta, na lanri kammana anjo, ri alla'na suku-suku niaka ammantang ri daera bageang waraka, atantami anne kaminang riolo battu anruppaiki' anne alloa.”

2 SAMUEL 19:20 ပူးပေါင်းရင်းမြစ်များ

PA'JARIANG 48:20

Nampa nabarakkakimo pole anjo ana'-anaka anjo alloa, nakana, “Lanatappui tu Israel arennu punna nabarakkaki taua. Lanakana ke'nanga, ‘Poro Napa'jariko Allata'ala sangkamma Efraim siagang Manasye.’ ” Lanri kammana la'bi napariolomi Yakub anjo Efraim na Manasye.

2 SAMUEL 16:5

Ri wattunna battu Daud mange ri Bahurim, nia'mo se're tau battu anjoreng ri tampaka, siagang lalang a'reppese'na mange ri rombonganna karaenga, natunrami Daud. Anjo taua niarengi Simei ana'na Gera, battu ri bija pammanakanna Saul.

2 SAMUEL 19:21

Nalangngere'na anjo kana kammaya nakanamo Abisai ana'na Zeruya, “Siratammi nihukkung mate Simei lanri le'baki natunrai karaeng le'baka Napilei Batara.”

2 SAMUEL 19:9

Nia'mo ammumba ri sikontu Israel passigeakkang. Nakana ke'nanga, “Karaeng Daud le'ba' ampasalamakki' battu ri tu Filistin siagang allappassangki' battu ri musu-musunta maraenga, mingka kamma-kamma anne larimi battu ri Absalom siagang nabokoimi anne pa'rasanganga.

1 KARAENG-KARAENG 12:20

Ri wattu nalangngere'na sikontu ra'ya' Israel angkanaya ammotere'mi Yerobeam battu ri Mesir, naundammi ke'nanga Yerobeam mae ri se'reang tampa' pa'rappungang nampa naangka' ke'nanga anjo Yerobeam a'jari karaeng Israel. Ra'ya' suku Yehuda mami bawang amminawang ri turunganna Daud.

1 KARAENG-KARAENG 12:25

A'jari karaennamo ri Israel, nakassakkimi Yerobeam kota Sikhem ri daera pa'monconganna Efraim, nampa ammantang anjoreng untu' sinampekang wattu. Nampa a'lampa pole battu anjoreng na nakassakki kota Pnuel.

YEREMIA 22:23

Amangko ammantang nitammulili ri benteng camara Libanon, mingka sallang punna natuju mako kapa'risang, lasessa mako rapang baine eroka ammana'.”

HOSEA 5:15

LaKubokoi ummakKu sa'genna sukku'mo pa'risi'na ke'nanga lanri dosa-dosana, nampa battu ke'nanga amboyA'. Nakulle kapang lalang ri kapa'risanna ke'nanga nalappattujuammo amboyA'.”

HOSEA 5:3

Kuasseng ngasengi sikontuna batangkalennu ngaseng, he ikau tu Israel. Tena olona lania' akkulle nurahasiakang mae ri Nakke. Anynyombako ri barhalaya siagang tenamo namajarre' pa'mai'nu mae ri Nakke. Lanri kammana anjo, tena nasiratang taunnu anynyomba mae ri Nakke.”