2 SAMUEL 19:19 - KITTA' MATANGKASA'

¹⁹ “Kupalaki ri katte karaeng sollanna tena nakicini' tuli salana anne atanta. Poro kikaluppai lalomi apa le'baka nagaukang atanta ri allo kibokoina Yerusalem karaeng.

2 SAMUEL 19:19 ပူးပေါင်းရင်းမြစ်များ

2 SAMUEL 13:20

Ri wattunna nacini' Absalom appakamma anjo, akkuta'nammi ri ia angkana, “Apaka nagau' salako sumpadeng Amnon? Sudamo andi', tea' mako nawa-nawai pole anjo. Sai ia daennui. Jari teako paui anne passalaka manna pole ri nai.” Nampa naalleimo kalenna Tamar mae ri balla'na Absalom, siagang sanna'mi si'nana nyawana na sino nasa'ring.

2 SAMUEL 13:33

Jari teaki' tappakki angkanaya mate kabusu'mi ana' bura'neta karaeng, nasaba' ia matea iamintu poro Amnon bawang.”

2 SAMUEL 19:18

Nabantumi kaluargana karaenga a'limbang kammayatompa nagaukammi ke'nanga sikontu apa napassuroanga karaenga mae ri ke'nanga. Ri wattunna ero' karaenga a'limbang ri binangaya, su'ju'mi Simei ri dallekanna siagang nakana,

PAMMUJI 32:2

Mate'nei taua, ia tenaya nirekengi kaja'dallanna ri Batara, siagang tenaya nangai annipu.

PAMMUJI 79:8

TeaKi' hukkungi ikambe lanri dosana boe-boena ikambe. Linta' maKi' kamaseangi ikambe, lanri tappu' minasami ikambe.

KATO'BA 10:4

Punna nikalarroiko ri tukoasaya, teako palaki ammari anjama. Manna lompo kasalannu, nipammopporangko punna sannangko siagang sa'barakko.

YESAYA 43:25

Mingka iNakke Allata'ala allu'luki dosanu, Kupammopporangko lanri kammaminjo sipakKu; tena natuli Kuu'rangi dosanu.

YEREMIA 31:34

Tenamo naparallu se'rea tau ri ke'nanga langngajaraki paranna tau untu' angngassengi Batara. Nasaba' yangasenna ke'nanga, lompo ca'di, lanaasseng ngasengA'. LaKukaluppai kasalang-kasalanna ke'nanga, laKupammopporangi dosa-dosana ke'nanga. INakke, Batara, anne akkana.”

PAMMILANGNGANG 12:11

angkanami mae ri Musa, “Tulungi ikambe Tuang, teaki' lappassangi ikambe nisessa lanri dosa nagaukanga ikambe lalang kadongokanna ikambe.

MATIUS 27:4

Nakanamo ri ke'nanga, “Dorakama' kubalukangi tau tenaya salanna, sa'genna nihukkung mate!” Appialimi ke'nanga angkana, “Ikatte tena naparallu kijampangi; anjo urusannu kau!”

2 KORINTUS 5:19

Ia biritta napabattua ikambe iamintu angkanaya Napa'jari assibajikimi Allata'ala rupataua mae ri KalenNa, tete ri Almasi. TaNabilangai sikontu kasalang le'baka nagaukang rupataua mae ri KalenNa. Na ikambemi Nasuro Allata'ala ambirittakangi anjo kabaraka.

1 SAMUEL 22:15

Memang, le'baki atanta ampappalakkangi pitunju' battu ri Allata'ala, mingka tena nanampanna anjo nagaukang atanta. Nikanaya passamaturukang ambaliangki', teaki' tudui atanta yareka kalase'renna tau lalanga ri kaluargana atanta. Tena apa-apa pangngassenna atanta ri anjo passalaka!”

1 SAMUEL 25:25

Tea' maki' pikkiriki Nabal karaeng, anjo tu tenaya matu-matunna! Ia tau tolo – sangkamma battuanna arenna. Tena naciniki atanta sikamma anjo tau kisuroa karaeng.

1 SAMUEL 26:21

Appialimi Saul angkana, “A'gau' dorakama'. Daud, ammotere' mako ana'! Tenamo nakula'gau' ja'dala' mae ri kau, lanri nurellakanga' attallasa' ri bangngia. Tolo sikali panggaukangku. Lingu tojeng-tojemma' nakke!”