2 SAMUEL 19:11 - KITTA' MATANGKASA'

¹¹ Anjo kana-kana kammaya ta'rapi' tommi mae ri Karaeng Daud. Lanri kammana anjo nasuromi Imang Zadok siagang Imang Abyatar mange ampakkuta'nangngangi mae ri sikamma pamimpinna Yehuda angkana, “Angngapa nu'jari kaminang kala'busang untu' anruppai siagang anrurungangi ammotere' karaenga mange ri balla' kakaraenganna?

2 SAMUEL 19:11 ပူးပေါင်းရင်းမြစ်များ

2 SAMUEL 15:29

Nampa naerammo Zadok siagang Abyatar anjo Patti Parjanjianga ammotere' mange ri Yerusalem siagang ammantammi ke'nanga anjoreng.

2 SAMUEL 18:14

Nakanamo Yoab, “Sudamo. Poro tappela'-pela'ji wattua angngagangku a'gea'.” Nampa angngalle Yoab tallu poke na'lampa ampacokai antama ri barambanna Absalom attallasaka ija anjo wattua siagang ta'gentunga ri poko' kayua.

2 SAMUEL 18:15

Nampa nia'mo sampulo ana' buana Yoab amborongi siagang ambunoi.

2 SAMUEL 19:10

Nilantiki Absalom a'jari karaeng, mingka kamma-kamma anne matemi lalang pa'bundukang. Angngapa natena manna sitau angngusahakangi angngerangi Karaeng Daud ammotere'?”

2 SAMUEL 19:41

Nampa battumo sikontu tu Israelka andallekang ri karaenga angkana, “O, karaeng, angngapai naanjo sari'battanna ikambe tu Yehudaya nanakana kalenna la'bi lompoangngang ha'na untu' anruppaiki' siagang anrurungangki' siagang sikontu kaluargata kammayatompa ana' buata a'limbang ri Binanga Yordan?”

1 KARAENG-KARAENG 2:35

Nampa niangka'mo Benaya ri karaenga a'jari panglimana tantaraya ansambeangi Yoab, na Zadok niangka' a'jari imang ansambeangi Abyatar.

MATIUS 5:16

Kamma todong minjo alarapanna singara'nu, parallui accaya ri dallekanna tau jaia; sollanna nacini' gau' baji'nu, na napakala'biri' Allata'ala Manggenu niaka ri suruga.”

2 KORINTUS 5:20

Jari ikambemi anne tunisuroNa Almasi. A'bicarami ikambe sangkamma angkanaya KalenNa Allata'ala a'bicara mae ri kau ngaseng lalang ri kalenna ikambe. Lalang arenNa Almasi, nanapala' dudumo ikambe sollanna nujamakkimo limanNa Allata'ala assareako oloang nukkulle assibajiki siagang KalenNa.

2 TESALONIKA 3:9

teai lanri tenana nakkulle ikambe appala' tulung mae ri kau ngaseng, passangalinna sollanna akkulle ikambe a'jari conto mae ri kau ngaseng.