2 SAMUEL 19:1 - KITTA' MATANGKASA'

¹ Nipauammi Yoab angkanaya angngarruki Daud siagang kasusangi lanri kamateanna Absalom.

2 SAMUEL 19:1 ပူးပေါင်းရင်းမြစ်များ

PA'JARIANG 37:35

Sikontu ana'na, baji' bura'ne yareka bainea battu ngasemmi ansaleori, mingka taerokai nisaleori. Nakanamo, “Sa'gengku mate tuli lakukarrukinna anjo anakku.” Kammaminjo tuli susana lanri ana'na Yusuf.

2 SAMUEL 18:12

Mingka appialimi anjo taua angkana, “Manna pole nisarea' 1.000 doe' pera' talaerokka' ampa'risi ana' bura'nena karaenga. Nalangngere' kabusuki ikambe apa naparentakanga karaenga mae ri katte siagang mae ri Abisai na Itai, sollanna tena naniapa-apai anjo Absalom lanri karaenga.

2 SAMUEL 18:14

Nakanamo Yoab, “Sudamo. Poro tappela'-pela'ji wattua angngagangku a'gea'.” Nampa angngalle Yoab tallu poke na'lampa ampacokai antama ri barambanna Absalom attallasaka ija anjo wattua siagang ta'gentunga ri poko' kayua.

2 SAMUEL 18:20

Nakanamo Yoab, “Teako, ri bokopi. Anne alloa takkulleako angngerang kabara', nasaba' matemi ana' bura'nena karaenga.”

2 SAMUEL 18:33

Nalangngere'na anjo kabaraka, sanna'mi si'nana nyawana karaenga, nampa nai'mo ri kamaraka irateanna pakke'bu' lompoa angngarru' nakana, “O anakku! Anakku Absalom! Absalom anakku! Bajikangngang inakkemo mate ansambeangko, anakku! Absalom, anakku!”

2 SAMUEL 18:5

Nampa naparentakang karaenga mae ri Yoab, Abisai siagang Itai, angkana, “Teako apa-apai anjo Absalom nasaba' inakke.” Sikontu pasukanga nalangngereki anjo parentana Daud.

2 SAMUEL 19:2

Jari anjo pammetanga anjo alloa tappinrami a'jari kasi'nang mae ri sikontu tantarana Daud lanri nalangngere'na ke'nanga angkanaya nakarruki karaenga ana' bura'nena.

PANGNGEBARANG 17:25

Ana' toloa nasusai manggena, siagang napakasi'nai pa'mai'na amma'na.

ZAKHARIA 12:10

Nampa jari-jarina Daud siagang pandudu'na Yerusalem laKupa'jari tunangai mangngamaseang pa'mai'na siagang nangai appala' doanga. Lanaciniki ke'nanga anjo tau le'baka nacoka ke'nanga, nampa nakarruki rapang tau angkarruki ana' sitau-tauna matea. Langngarruki ke'nanga pacce pa'mai'na, rapang tau ammoteranga ana' bungasa'na.