2 SAMUEL 18:22 - KITTA' MATANGKASA'

²² Mingka napala' dudumi Ahimaas mae ri Yoab angkana, “Manna pole apa kajariang, mingka kikellai tomma' a'lampa angngerang kabara'.” Akkuta'nammi Yoab angkana, “Angngapa naterasa' kamma nyawanu ero' todong a'lampa, ana'? Tena nulanggappa passawallang lanri anjo.”

2 SAMUEL 18:22 ပူးပေါင်းရင်းမြစ်များ

2 SAMUEL 18:21

Nampa nakana Yoab mae ri atanna battua ri Sudan, “A'lampamako mae ri karaenga ampabattuangi apa le'baka nucini'.” Su'ju'mi anjo ataya anynyomba nampa lari a'lampa.

2 SAMUEL 18:23

Nakanamo Ahimaas, “Tena nangngapa. La'lampa'.” Nakanamo Yoab, “Punna padeng kamma, a'lampamako.” Jari larimi Ahimaas antulakkangi oloang allaloa ri Ka'bung Yordan, siagang tena nasallo akkullemi napilumbai battu anjo ata battua ri Sudan sumpaeng.

2 SAMUEL 18:29

Akkuta'nammi karaenga angkana, “Apaka salama'ji Absalom?” Appialimi Ahimaas angkana, “O karaeng, sumpaeng ri wattungku nasuro Yoab, nia' kucini' karicuang lompo, mingka takuassengai angkana apa kajariang.”

1 KARAENG-KARAENG 11:22

Akkuta'nammi karaenga angkana, “Angngapai? Apaka kakurangangko anrinni, sa'gennu ero' ammotere' mange ri pa'rasangannu?” Appialimi Hadad angkana, “Tena nakukakurangang apa-apa, mingka lappassamma' a'lampa.” Jari ammotere'mi mange ri pa'rasanganna.

ROMA 1:28

Lanri nakanana tenamo naparallu rupataua angngassengi Allata'ala, nibalang parekammi sollanna a'jari panra' pikkiranna ke'nanga; sa'genna nagaukammi ke'nanga apa-apa tenaya nakkulle nigaukang.

EFESUS 5:4

Tena todong nasiratang nucarita nikanaya carita-carita gau' bawang, yareka bicara ra'masaka, yareka a'bicara bonga-bonga tenaya nasiratang. Mingka paralluko appala' sukkuru' mae ri Allata'ala.