2 SAMUEL 18:20 - KITTA' MATANGKASA'

²⁰ Nakanamo Yoab, “Teako, ri bokopi. Anne alloa takkulleako angngerang kabara', nasaba' matemi ana' bura'nena karaenga.”

2 SAMUEL 18:20 ပူးပေါင်းရင်းမြစ်များ

2 SAMUEL 18:19

Nampa nakanamo Ahimaas ana'na Zadok mae ri Yoab, “Kellaima' lari a'lampa mange ri karaenga angngerang kabara' baji' angkanaya nipasalama'mi ri Batara battu ri musunna.”

2 SAMUEL 18:21

Nampa nakana Yoab mae ri atanna battua ri Sudan, “A'lampamako mae ri karaenga ampabattuangi apa le'baka nucini'.” Su'ju'mi anjo ataya anynyomba nampa lari a'lampa.

2 SAMUEL 18:27

Nakanamo anjo pajagaya, “Anjo uru-urua Ahimaas. Naassengi atanta batena lari.” Nakanamo karaenga, “Ia tau baji'. Tantu kabara' baji' naerang.”

2 SAMUEL 18:29

Akkuta'nammi karaenga angkana, “Apaka salama'ji Absalom?” Appialimi Ahimaas angkana, “O karaeng, sumpaeng ri wattungku nasuro Yoab, nia' kucini' karicuang lompo, mingka takuassengai angkana apa kajariang.”

2 SAMUEL 18:33

Nalangngere'na anjo kabaraka, sanna'mi si'nana nyawana karaenga, nampa nai'mo ri kamaraka irateanna pakke'bu' lompoa angngarru' nakana, “O anakku! Anakku Absalom! Absalom anakku! Bajikangngang inakkemo mate ansambeangko, anakku! Absalom, anakku!”

2 SAMUEL 18:5

Nampa naparentakang karaenga mae ri Yoab, Abisai siagang Itai, angkana, “Teako apa-apai anjo Absalom nasaba' inakke.” Sikontu pasukanga nalangngereki anjo parentana Daud.

2 SAMUEL 19:1

Nipauammi Yoab angkanaya angngarruki Daud siagang kasusangi lanri kamateanna Absalom.