2 SAMUEL 18:14 - KITTA' MATANGKASA'

¹⁴ Nakanamo Yoab, “Sudamo. Poro tappela'-pela'ji wattua angngagangku a'gea'.” Nampa angngalle Yoab tallu poke na'lampa ampacokai antama ri barambanna Absalom attallasaka ija anjo wattua siagang ta'gentunga ri poko' kayua.

2 SAMUEL 18:14 ပူးပေါင်းရင်းမြစ်များ

2 SAMUEL 12:10

Lanri tena numappilangngeri ri Nakke siagang lanri nuallena bainenna Uria, jari lalang tunggala' jari-jarinu tuli lania' lamate nibuno.

2 SAMUEL 14:30

Nampa nakanamo Absalom mae ri ata-atanna, “Nuassengi kokonna Yoab ri ba'leanna kokongku nilamungia jelai? Tunui anjo kokoa.” A'lampami ke'nanga antunui.

2 SAMUEL 18:15

Nampa nia'mo sampulo ana' buana Yoab amborongi siagang ambunoi.

2 SAMUEL 18:5

Nampa naparentakang karaenga mae ri Yoab, Abisai siagang Itai, angkana, “Teako apa-apai anjo Absalom nasaba' inakke.” Sikontu pasukanga nalangngereki anjo parentana Daud.

2 SAMUEL 19:1

Nipauammi Yoab angkanaya angngarruki Daud siagang kasusangi lanri kamateanna Absalom.

2 SAMUEL 19:11

Anjo kana-kana kammaya ta'rapi' tommi mae ri Karaeng Daud. Lanri kammana anjo nasuromi Imang Zadok siagang Imang Abyatar mange ampakkuta'nangngangi mae ri sikamma pamimpinna Yehuda angkana, “Angngapa nu'jari kaminang kala'busang untu' anruppai siagang anrurungangi ammotere' karaenga mange ri balla' kakaraenganna?

AYUB 20:5

karannuanna tau ja'dalaka poro sinampe'ji bawang, siagang kasannanganna tau dorakaya sipakkida mataji?

PAMMUJI 37:35

Le'baka' accini' tu ja'dala' na nangai borro pauna; sanrapangi poko' coppong siagang lantang aka'na.

PAMMUJI 45:5

Maju mako siagang gammara' mange ri kalompoanga parjuangkangi katojenganga siagang kaadelang bajika; re'bu'mi pammetang lompoa siagang kagassingannu!

MATIUS 12:40

Tallungalloi le'ba' ammantang Na'bi Yunus lalang ri battanna juku' lompoa. Kamma tomminjo sallang Ana' Ma'rupataua, latallungalloi ammantang lalang ri battanna buttaya.

1 TESALONIKA 5:3

Punna nakana taua, “Amang ngasenji siagang sannang ngasenji,” iaminjo wattua nati'ring natuju ke'nanga kapanrakang na tena manna sitau akkulle ta'lappasa'. Tena nanisanna-sannai nakajariang anjo passalaka; sanrapangi pa'risi'na se'rea baine ri wattunna lanalassukang ana'na.

HAKING-HAKING 4:21

Lanri sanna'na mangnganna, ta'do'do'mi Sisera sa'genna attinro jannang. Angngallemi Yael se're palu-palu siagang patto' kema, nampa palang-palang anreppessi Sisera. Nampa napatinting anjo pattoka ri pilisi'na Sisera sa'genna annarrusu' naung ri buttaya. Kammaminjo nanibunomo Sisera ri Yael.

HAKING-HAKING 5:26

Palu-palu napatto' napake ambunoi Sisera sa'genna ancuru' ulunna.

HAKING-HAKING 5:31

Poro mate ngasengi musu-musunTa, o Batara, kamma matena Sisera, mingka sikontu sahabatTa poro a'jari pore ngasengi sanrapang alloa ri langika! Le'baki anjo amammi anjo pa'rasanganga patampulo taung sallona.