2 SAMUEL 18:1 - KITTA' MATANGKASA'

¹ Napasse'rei Daud sikontu ana' buana, nampa nabage a'jari pirang pa'rappungang; nia' tassisa'bu tau nia' todong tassibilangngang. Nampa naangka' perwira-perwira untu' angkapalai anjo sikamma pa'rappunganga.

2 SAMUEL 18:1 ပူးပေါင်းရင်းမြစ်များ

KALAPPASSANG 17:9

Nakanamo Musa ri Yosua, “Pilei siapa are jaina tau untu' ambunduki anjo tu Amalek. Ammuko lammentenga' irate ri coppo'na buluka anta'galaki takkang Nasuro eranga Allata'ala.”

KALAPPASSANG 18:21

Mingka pantaranganna anjo musti ammileko siapa are tu bura'ne cara'deka, nampa nuangka' ke'nanga a'jari pamimping mae ri sisa'bu tau, sibilangngang tau, limampulo tau, siagang sampulo tau. Anjo ke'nanga musti tau malla' siagang mannuruki ri Allata'ala, akkullei nipatappa' siagang taerokai annarima doe' pammuccu'.

KALAPPASSANG 18:25

Ammilemi siapa are tu cara'de' battu ri bansa Israel. Naangka'mi ke'nanga a'jari pamimping mae ri sisa'bu tau, sibilangngang tau, limampulo tau, siagang sampulo tau.

PAMMILANGNGANG 31:14

Nakalarroimi Musa sikamma komandang tantaraya, kapala pasukanga siagang komandang regua ia beru ammotereka battu a'bundu.

PAOLE 20:9

Punna le'ba'mi sikamma komandanga a'bicara mae ri tantaraya, musti nijo'jo'mi siapa area pamimping untu' massing-massing kasatuanga.

YOSUA 8:10

Ri bari'basa' dudua ambangummi Yosua siagang naparentakammi sollanna asse're pasukanna. Nampa ia siagang sikamma pamimpinna umma' Israel naerammi anjo pasukanga mange ri Ai.

1 SAMUEL 22:7

nakanamo mae ri sikamma perwira tantarana, “Pilangngeri ikau sikamma tu Benyamin! Apaka anjo lapung Daud lanasareko koko siagang koko anggoro'? Maka lanaangka' ngasengko a'jari perwira lalang ri tantarana?

1 SAMUEL 8:12

Sipa'gang naangka' a'jari perwira mae ri sisa'bu tau, na sipa'gang maraenganga mae ri limampulo tau. Anjo karaenga lanapassai ana'-ana'nu appa'jeko ri koko-kokonna, ampasse'rei wassele' kattoanna, appare' sanjata-sanjata siagang pakkakasa'-pakkakasa' untu' kareta pa'bundukanna.