2 SAMUEL 17:29 - KITTA' MATANGKASA'

²⁹ Angngerangi ke'nanga mangko', pamaja', siagang kasoro' untu' Daud siagang ana' buana, kammayatompa gandung, jelai, labu', gandung nisanggara', campe' eja, campe' eja lompoa, je'ne' bani, keju, dadi' siagang pirang kayuang gimbala'. Naassengi ke'nanga angkanaya cipuruki Daud siagang ana' buana, turerei siagang mangngangi lanri pa'jappang ri parang lompoa.

2 SAMUEL 17:29 ပူးပေါင်းရင်းမြစ်များ

2 SAMUEL 16:14

Ri wattunna battu karaenga siagang sikontu ana' buana ri Binanga Yordan, mangngang sikalimi ke'nanga; jari ammari-marimi ke'nanga anjoreng.

2 SAMUEL 16:2

Akkuta'nammi Daud ri ia angkana, “Untu' apa ngaseng anne sikammaya?” Appialimi Ziba angkana, “Anne keledai-keledaia untu' a'jari keledai paeranna kaluargata, anne rotia siagang rappo-rappoanga untu' palayang-palayanta, siagang anne je'ne' anggoroka untu' ke'nanga punna mangngangi ri parang lompoa.”

2 SAMUEL 17:2

Lakumajui kubunduki ri wattunna mangngang siagang runtung sumanga'na. Lakupata'bangkai, sa'genna lari sikontu ana' buana. Karaeng Daud bawang lakubuno.

PAMMUJI 107:5

Naallei cipuru' siagang turere ke'nanga na tappela' ngaseng sikontu pa'minasana.

PAMMUJI 84:11

Bajikangngangi sialloa ri BallatTa nasisa'bu allo ri tampa' maraenga. Kualleangangi a'jaria pajaga ri pakke'bu' lompona Balla'Na Allata'alaku naia ammantanga ri balla' tau ja'dalaka.

PANGNGEBARANG 21:26

sila'busu' allo iaji bawang nanawa-nawa apa nakaerokia. Kabalekanna, tau lambusuka ri tallasa'na akkullei assare alla'bi-la'bi.

YESAYA 21:14

He, pandudu'na butta Tema, sarei je'ne' inung sikamma tau turere battua mae ri kau, siagang sarei kanre tau laria battu ri pa'rasanganna battu annumpang.

YESAYA 58:7

Bagei kanrenu siagang tau cipuruka, tarimai sikamma tau tenaya balla'na ri balla'nu. Sarei care-care tau assolaraka, siagang teako tollaki sari'battannu punna parallu nitulung.

LUKAS 8:3

Yohana, bainenna Khuza, pagawe balla' lompona Herodes; Susana, siagang jai pole bai'-baine maraeng. Ongkoso' kalenna napake ke'nanga ambantui Isa siagang ana'-ana' gurunNa.

ROMA 12:13

Tulungi parannu tu Karisteng ampa'gannaki kaparalluanna, siagang pakate'nei atinnu antarimai julu tappa'nu tenaya nuassengi ke'nanga antama' ri balla'nu.

1 SAMUEL 17:18

Angngerang tongko sampulo batunna keju untu' komandang pasukanga. Pakkuta'nangngangi antekamma kabara'na sikamma daennu. Siagang angngerangko butti untu' inakke ma'nassana angkanaya sibuntulu' jako ke'nanga na salama'ja ke'nanga.