2 SAMUEL 17:23 - KITTA' MATANGKASA'

²³ Ri wattunna napahang Ahitofel angkanaya tena nituruki pangngunju'na, napatabami pa'lapa' keledaina nampa ammotere' mange ri kota kalenna. Le'ba'na napasilolongang kabusu' sikontu urusanna nagentummi kalenna, nampa nitarawang ri jera' kaluargana.

2 SAMUEL 17:23 ပူးပေါင်းရင်းမြစ်များ

2 SAMUEL 15:12

Nampa lalang assarena Absalom koro'bang, akkiring tommi tunisuro mange ri kota Gilo untu' angkioki Ahitofel, iamintu tumailalanna Karaeng Daud. Kammaminjo passikongkolanga napila' kassa'mo ero' angngewai karaenga, siagang pila' jaimi tau amminawang ri Absalom.

2 SAMUEL 15:31

Ri wattunna nipauang Daud angkanaya amminawang tongi Ahitofel assikongkolo' siagang Absalom, appala' doammi Daud kamma anne, “O, Batara, poro tena lalo Kipa'jari kana-kananna Ahitofel!”

2 SAMUEL 16:23

Anjo wattua sikamma kana pangngunju'na Ahitofel nipilangngeri kabusuki sangkamma angkanaya kana KalenNa Allata'ala; baji' Daud kammayatompa Absalom naturuki ngasengi kana pangngunju'na.

2 SAMUEL 17:22

Nampa a'limbamo Daud siagang ana' buana ri Binanga Yordan, siagang battumi anta'le ri tenanapa nammumba alloa.

1 KARAENG-KARAENG 16:18

Ri wattu nacini'na Zimri angkanaya niempoimi ri musu anjo kotaya, antama'mi ri balla' kakaraenganga nampa natunu anjo ballaka napasitunu kalenna, sa'genna matemo.

2 KARAENG-KARAENG 20:1

Ri anjo wattua garring lattangi Karaeng Hizkia. Sanna' sikali anjo garrinna sa'genna a'birimmo mate. Battumi Na'bi Yesaya ana'na Amos angkunjungi siagang nakana, “Appasangi Batara sollanna kipa'le'ba' sikontu urusanga, nasaba' tena kila'jari baji'. Tenamo nasallo kimate.”

AYUB 31:3

Cilaka siagang susa ma'nassa Napabattu mae ri tau a'gau' ja'dalaka!

PAMMUJI 109:20

O, Batara, Kipitujuimi hukkungang anjo tau antudua', mae ri tau a'bicara ja'dalaka ri batangkalengku.

PAMMUJI 5:10

Saba' kana-kananna musungku takkulleai nipatappa'; sangnging rancana ja'dala' rassi ri atinna ke'nanga. Angngontaki kana-kana mate'nena ke'nanga, mingka atinna ke'nanga rassi apa-apa botto'.

PAMMUJI 55:23

Erangi sikontu ranggaselanu mae ri Batara, Iami lassareko kagassingang; saba' tena Nabalang parekangi tau lambusuka nibeta.

PANGNGEBARANG 16:18

Kaborroanga angngerangi kapanrakang; katampoanga angngerangi karuntungang.

PANGNGEBARANG 19:3

Napakarugi kalenna rupataua lanri kadongokanna, nampa Batara nasalakang ri anjo passalaka.

YESAYA 38:1

Tabellayai ri anjo wattua, tu'guru' garrimmi Karaeng Hizkia, na'birimmo mate. Mangemi Na'bi Yesaya ana'na Amos antoaki, na nakana, “Appasangi Batara sollanna kipa'le'ba' baji urusanta, lanri tenamo kilammolle ri garrinta karaeng. Tasalloami nakimate.”

MATIUS 27:5

Napasambilami Yudas anjo doeka antama' ri Balla'Na Batara, nampa a'lampa anggentungi kalenna.